Главная страница | Мифы, легенды, эпос | Atalar sözü

Atalar sözü
Müəllif kollektivi
Folklor
Məktəbyaşlı uşaqlar, eləcə də geniş oxucu kütləsi üçün nəzərdə tutulan “Altun Kitab”ın bu nəşrində şifahi xalq ədəbiyyat nümunələri arasında ən geniş yayılmış janrlardan olan Atalar sözləri və məsəllər verilmişdir.


Atalar sözü və məsəllər

ATALAR SÖZLƏRİ



Söz var, gələr, keçər, söz var, dələr, keçər
Atalar sözü bazarda satılmaz.
***
Atalar sözü hikmətdir.
***
Atalar sözü mühakimə olunmaz.
***
Atalar sözü öyüddür bizə.
***
Atalar sözünün başı vicdan qorxusudur.
***
Ev kimindir? – Oturanın.
Söz kimindir? – Götürənin.
***
Söz danışıqdan keçər.
***
Söz gəzdirən adamdan qorx!
***
Sözü ağzında bişir, sonra çıxart.
***
Sözü sən at, yiyəsi götürər.
***
Sözün düzünü zarafatla deyərlər!
***
Sözün doğrusunu uşaqdan xəbər al!
***
Sözün yalanı olmaz, yanlışı olar.
***
Pis söz qəlp puldur, yiyəsinə qayıdar.
***
Saqqalım yoxdur, sözüm ötmür.
***
Haqq söz axar suları saxlar.
***
Haqq söz acı olar.
***
Səhrada gül bitməz, cahilə söz yetməz.
***
Ara sözü ev yıxar.
***
İt hürər, karvan keçər.
***
Kişi öz sözünün ağası olar.
***
Yarı gör, özün danış, ev yıxar ara sözü.
***
Dil ağrıyan dişə dəyər.
***
Dil var, bal gətirər, dil var – bəla.
***
Dil yanılar düzünü deyər.
***
Dilini saxlayan başını saxlar.
***
Adam ağzında söz, qazan altında köz.
***
Adamı sözündən tutarlar, heyvanı buynuzundan.
***
Adamın başına nə gəlsə, dilindəndir.
***
Söymə qul atamı, söyməyim bəy atanı!
***
Dəyirman bildiyini eylər, çaq-çaq baş ağrıdar.
***
Əməlsiz sözdə təsir olmaz.

El gücü, sel gücü
Birlik harda, dirilik orda!
***
El ağzını bağlamaq olmaz.
***
El bir olsa, dağ oynadar yerindən,
Söz bir olsa, zərbi kərən sındırar.
***
El igidləri ilə tanınar.
***
El içində – öl içində!
***
El keçən körpüdən sən də keç.
***
El yandıran şamı söndürmək olmaz.
***
El malına göz dikən gözdən olar.
***
Eli olmayanın dili də olmaz.
***
Elin atdığı daş uzaq gedər.
***
Elin sözü daşı yeridər.
***
El atanı ər atar, el tutanı ər tutar.
***
Qürbət cənnət olsa da, yenə vətən yaxşıdır.
***
Qəribi baxışından tanıyırlar.
***
Qəribi vurmuşlar, "Vay vətən!" demiş.
***
Qürbət yerdən vətən olmaz!
***
Qürbət görməyən adam vətən qədri bilməz.
***
Yurddan çıxsan da, eldən çıxma!
***
Köçən yurdun qədrini, düşən yurdda bilərlər.
***
Üzünü xalqa çevirənin arxası möhkəm olar.
***
Güc birlikdədir.
***
Yeməyini yalqız yeyən yükünü özü qaldırar.
***
Tək əldən səs çıxmaz.
***
Palaza bürün, elnən sürün!

Ağıl yaşda deyil, başdadır
Adamı başdan, ağacı yaşdan!
***
Ağıl başın böyüklüyündə deyil.
***
Ağıllı öyrənməyi xoşlar, axmaq öyrətməyi.
***
Ağıl bazarda satılmaz.
***
Ağıl gücdən üstündür.
***
Ağıla paxıllıq olmaz.
***
Ağıllı balaca yekə cahildən yaxşıdır.
***
Ağıllı bildiyini söyləməz, dəli söylədiyini bilməz.
***
Ağıllı düşməndən qorxma, dəli dostdan qorx.
***
Ağıllı ədəbi ədəbsizdən öyrənər.
***
Ağıllı kişini falçılar sevməz.
***
Ağıllı olub dərd çəkincə, dəli ol, dərdini çəksinlər.
***
Ağıllı uşaq bələkdə özünü göstərər.
***
Ağıllının zənni cahilin həqiqətindən yaxşıdır.
***
Ağılsız adama nəsihət etmək dənizə su tökmək kimidir.
***
Ağıllı bir dəfə aldanar.
***
Ağıllı qəm yeyər, dəli – qamçı!
***
Ağıllıya işarə, nadana kötək!
***
Ağıl ağıldan üstündür, söz sözdən ötgün.
***
Dəvəcən boyun olunca, düyməcə ağlın olsun.
***
Cahilin ibadətindən alimin yuxusu yaxşıdır.
***
Cahil ilə bal yemə, aqil ilə daş daşı.
***
Camal gedər, kamal qalar.
***
Anlayana qul ol, anlamayana ağa olma.
***
Anlayana da can qurban, anlamayana da, dad yarımçıq əlindən.
***
Arifə bir işarə kifayətdir.
***
Bilik ağlın aynasıdır.
***
Bilməmək eyib deyil, soruşmamaq eyibdir.
***
At yeriməklə, insan bilməklə.
***
Elm ağılın çırağıdır.
***
Elm bir xəzinədir, nə qədər sərf edərsən, bir o qədər artar.
***
Elm öyrən beşikdən qəbirəcən.
***
Elm para ilə yox, çalışmaqla ələ gəlir.
***
Elminə əməl etməyən alim əlində çıraq gəzdirən kora bənzər.
***
Elmli adam cürətli olar.
***
Elm zəhmət ilə başa gələr.
***
Elmsiz adam meyvəsiz ağac kimidir.
***
Ustadına kəc baxanın gözlərinə qan damar.
***
Qələm qılıncdan itidir.
***
Qələm əyri yonulsa da, doğru yazar.
***
Qələm yazanı qılınc poza bilməz.
***
Qələmin ucu – qılıncın gücü.
***
Yazılan pozulmaz.
***
Rəhmət yazana, lənət pozana!
***
Yaşına baxma, başına bax!
***
Çox yaşayan çox bilməz, çox gəzən çox bilər.

Böyüksüz evdə xeyir-bərəkət olmaz
Kişisi olmayan evin ruzisi olmaz.
***
Qoca evin sütunudur.
***
Qocaların biliyi, cavanların biləyi.
***
Qocaya hörmət elə; sən də qocalarsan.
***
Ər-arvadın savaşı – yaz gününün yağışı!
***
Ər ilə arvadın torpağı bir yerdən götürülüb.
***
Arvad var, ev tikər, arvad var, ev yıxar.
***
Arvad yıxan evi, fələk də yıxa bilməz.
***
Arvadsız ev – susuz dəyirman!
***
Ana qızına taxt verər, ata qızına bəxt!
***
Anasına bax, qızını al, qırağına bax – bezini.
***
Anasından qabağa düşən quzunu qurd yeyər!
***
Anadan olmayan qardaş sayılmaz.
***
Ana evin dirəyidir.
***
Ana qəlbi kövrək olar.
***
Ana ürəyi, dağ çiçəyi.
***
Arvadı əri saxlar, pendiri dəri.
***
Arvadı bəd olanın saqqalı tez ağarar.
***
Arvadı ahıl gözü ilə, atı cahıl gözü ilə.
***
Arvadın isməti – ərin izzəti.
***
Arvadın xirtdəyi (hülqumu) olmaz.
***
Arvadı və atı əlborcu verməzlər.
***
Yanan da ana, yaman da ana!
***
Ata malından mal olmaz, özün qazanmaq gərək!
***
Atası balıqçı olub, oğlu da suya baxır.
***
Ata olarsan, ata qədrini bilərsən!
***
Atalar nə əkiblər, oğullar onu biçiblər.
***
Atasında olmayanı balasında axtarma.
***
Atasını, anasını görməsəydim, özünə xan deyərdim.
***
Atana necə baxarsan, övladın da sənə elə baxar.
***
Atanın duası, ananın ahı yerdə qalmaz.
***
Söz var, el içində, söz var, ev içində.
***
Böyük olan yerdə kiçik danışmaz.
***
Böyük sözünə baxmayan böyürə-böyürə qalar.
***
Kiçiyin kiçik yeri var, böyüyün – böyük!
***
Yol böyüyündür, su kiçiyin!
***
Qocadan demək, cavandan kömək!
***
Babadan hümmət – nəvədən xidmət.
***
Dövlətdə dəvə, övladda nəvə!
***
Ölməz, itməz Xədicə, görər nəvə-nəticə!
***
Uşaq atasından güclüsünü bilməz.
***
Ev bizim, sirr bizim.
***
Evdəki hesab bayıra çıxmaz.

Oğlanı kamal ilə, qızı camal ilə
Qırx dayəsi olan uşaq aciz olar.
***
Anası gəzən ağacları qızı budaq-budaq gəzər.
***
Ananın ərköyün oğlu hambal olar.
***
Qız alan gözü ilə baxmasın, qulağı ilə eşitsin.
***
Qız axtarana arşınmalçılıq da yaraşar.
***
Qız alanın ya bir çuval qızılı, ya bir çuval yalanı gərək.
***
Qız aparanı yuxu tutmaz.
***
Qız anadan öyüd alar.
***
Qız bəzəkdir, oğul şərəf.
***
Qız evin qonağıdır, vaxt gələr, gedər.
***
Qız kəsilməmiş qarpız kimidir.
***
Qız nəvəsi şirin olar.
***
Qız qapısı – şah qapısı: mini gələr, biri razı gedər.
***
Qız özgə çırağını yandırar.
***
Qız özgə əmanətidir.
***
Qızı saldın beşiyə, çək cehizi eşiyə.
***
Qızı vermisən, özünə oğul qazanmısan.
***
Qızım, sənə deyirəm, gəlinim, sən eşit.
***
Qızlığı nə idi ki, gəlinliyi nə ola?!
***
Qızın isməti – atanın dövləti!
***
Oğlan yetir, qız yetir, yükü yenə sən gətir!
***
Qız ağacı – qoz ağacı, hər gələn bir daş atar.
***
Qız – qızıl alma, qızı gözdən salma.
***
Qız evlərdə tanınar, ipək – dəzgahda.
***
Qız yükü – duz yükü.
***
Qız evində toydur, oğlan evinin xəbəri yox!
***
Od qalar, köz olar, qız qalar, söz olar.
***
Oğlan dayıya çəkər, qız – xalaya.
***
Oğlana balacalıqda qız verən çox olar.
***
Oğlanın oğlan oyunu var, qızın – qız oyunu.
***
Oğlum oğul olsun, ona tapılmayan qız olsun.
***
Oğul arxadır, qız yaraşıqdır.
***
Oğul bəd övlad olsa, öldürər dərd atanı.
***
Oğul günahsız olmaz, ata mərhəmətsiz.
***
Oğul oğul olsa, neylər ata malını, oğul nabud olsa, neylər ata malını?!
***
Qara qız bəzənincə toy əldən gedər.
***
Cavanlıqda daş daşı, qocalanda ye aşı!
***
Bala baldan şirindir.
***
Uşağı buyur, dalınca yüyür!
***
Uşağa yüz öyrət, gördüyünü deyəcək.
***
Uşaqlı evdə qeybət olmaz.
***
Ağlamayan uşağa süd verməzlər.

Dost arası pak gərək!
Dost başa baxar, düşmən ayağa!
***
Dost dosta tən gərək,
Tən olmasa, gen gərək!
Dəvəçi ilə dost olanın,
Darvazası gen gərək!
***
Dost dostu dar gündə sınayar.
***
Dost min isə – azdır, düşmən bir isə – çoxdur.
***
Dostunu mənə söylə, sənin kim olduğunu deyim.
***
Dostun versə qum, sən onu ovcunda yum!
***
Dosta borc pul vermə – hər ikisi əldən gedər.
***
Dostunun dostu sənin də dostundur.
***
Dostun yoxsa – axtar, tapdın – qoru.
***
Dostsuz insan – qanadsız quş.
***
Dostluq düzlükdədir.
***
Dostluğun telini qırma – bağlarsan, düyün qalar.
***
Dostla su iç, düşmənlə bal yeməyə oturma.
***
Dostdan özünü qoru, düşmənlə hesablaşmağa nə var?!
***
Dostdan da sirrini saxla.
***
Dostam səninlə, pulun qurtaranacan!
***
Dost yolunda boran olar, qar olar.
***
Dost min olar, candan yanan bir.
***
Dost ilə ye, iç, alış-veriş eləmə.
***
Dost-düşmən qara gündə bəlli olar.
***
Dost dostun eybini üzünə deyər.
***
Dost dostdan bezar olmaz, aralıqda mərdimazar olmasa.
***
Dost arası sözsüz olmaz.
***
Örtülü bazar dostluğu pozar.
***
Tikə ilə dost olanlar İllər ilə küsülü qalar.
***
Ağıllı düşmən nadan dostdan yaxşıdır.
***
Cəhənnəmə gedən özünə yoldaş axtarar.
***
Sirrini dosta demə, dostun da dostu var!
***
Ağacı qurd içindən yeyər.
***
Balta ağac kəsməzdi, sapı ağac olmasaydı!

Namərdin plovundan, mərdin aşıq aşı!
Ağac əyildi – sındı, igid əyildi – öldü.
***
Mərd əli kasad olmaz.
***
Mərd özündən bilər, namərd – yoldaşından.
***
Mərdi qova-qova namərd eləməzlər.
***
Namərdin adı olmaz.
***
Namərdin çörəyi dizinin üstə olar.
***
Keçmə namərd körpüsündən, qoy aparsın sel səni.
***
Vura bilməyən daşın böyüyündən yapışar.
***
Vuran igid dayısına baxmaz!
***
Qanı qan ilə yumazlar.
***
Qanlını qan tutar!
***
İgid qovğasız olmaz.
***
İgid basdığını kəsməz.
***
İgid odur, atdan düşə, atlana,
İgid odur, hər əzaba qatlana!
***
İgidin başı qalda gərək!
***
Qorxa-qorxa cənnətə gedincə, gülə-gülə cəhənnəmə get!
***
Qorxaq hər şeyi dörd görər.
***
Qorxan gözə çöp düşər.
***
Qorxursan pişikdən, niyə çıxırsan deşikdən?
***
Qisas qiyamətə qalmaz.
***
Xain qorxaq olar.
***
Yaxşı igidin adını eşit, üzünü görmə!
***
Yaxşılığa yaxşılıq hər kişinin işidir,
Yamanlığa yaxşılıq mərd kişinin işidir.
***
Yıxılana balta çalmazlar.
***
Ehtiyat igidin yaraşığıdır.
***
Yaxşılıq elə, at dəryaya,
Balıq bilməsə, xaliq bilər.

Doğru yalanı qovar
Doğru dostluq qərəzsiz olar.
***
Doğru yolla gedən yorulmaz.
***
Doğru tutulmayınca oğru tutulmaz.
***
Doğru büdrər, amma yıxılmaz.
***
Doğru deyənin başı keçəl olar.
***
Doğru söz acı olar.
***
Doğruya zaval yoxdur, çəksələr min divana.
***
Yalan ilə dünyanı gəzmək olar, amma qayıtmaq olmaz.
***
Yalan cücərər, amma bitməz.
***
Yalan ayaq tutar, amma yeriməz.
***
Yalan danışan yanındakını qanmaz yerinə qoyar.
***
Yalan olmasa, doğru yeriməz.
***
Yalançı çox and içər.
***
Yalançı özünün düşmənidir.
***
Yalançının şahidi yanında olar.
***
Yalançının yaddaşı olmaz.
***
Yalanın ömrü az olar.
***
Yalan üz qaraldır.
***
Yalançının evi yandı, heç kəs inanmadı.
***
Yalançını evinəcən qovarlar.
***
Yalançının ipi ilə quyuya düşən quyuda qalar.
***
Oğru həmişə doğruluqdan danışar.
***
Oğru elə bağırdı, doğrunun bağrı yarıldı!
***
Oğru hamını oğru bilər.
***
Tutulmayan oğru, xandan-bəydən doğru.
***
Quş qanadı ilə tanınar, insan adı ilə.
***
Tamahkarı yalançı aldadar.

Əmək xoşbəxtliyin açarıdır
Heyvanın dişinə baxarlar, insanın işinə.
***
Bağ bağbansız olmaz, dəvə sarbansız!
***
Bağa "bağ" deməyiblər, "bax" deyiblər.
***
Bağ salan barın yeyər.
***
Bağa bax üzüm olsun, yeməyə üzün olsun.
***
Bağa baxarsan bağ olar, baxmazsan dağ olar.
***
Bağçı bağı ilə, qarpız tağı ilə!
***
Əkiblər, yemişik, əkərik, yeyərlər!
***
Ortada yeyir, qıraqda gəzir.
***
Bal tutan barmaq yalar.
***
Çörəyi ver çörəkçiyə. Bir çörək də üstəlik.
***
Halva-halva deməklə ağız şirin olmaz.
***
Sən ağa, mən ağa, inəkləri kim sağa?!
***
Qayış nə bilir öküz nə çəkir?!
***
Dəyirmanda doğulan siçan göy gurultusundan qorxmaz.
***
Dərziyə köç dedilər, iynəsini yaxasına sancdı.
***
Adamı qeyrət işlədər, dəyirmanı su!
***
Torpaq deyər: "Öldür məni, dirildim səni".
***
İstəyirsən bal-çörək, al əlinə bel-kürək!

Qonaqsız ev – susuz dəyirman
Qonaq sevənin süfrəsi boş olmaz!
***
Qonağın ruzisi özündən qabaq gələr.
***
Qonağa "çörək yeyirsən?" deməzlər.
***
Qonağa "get" deməzlər, palazı altından çəkərlər.
***
Qonağa görə süfrə açarlar.
***
Qonaq bərəkət gətirər.
***
Qonaq birinci gün qızıldır, ikinci gün – mis.
***
Qonaq dediyin səhər gəlsin, axşam getsin.
***
Qonaq "doymadım" deməz.
***
Qonaq ev yiyəsinin tərlanıdır: harda bağlasa, orda durar.
***
Qonaq qonağı istəməz, ev yiyəsi hər ikisini.
***
Qonaq umduğunu yox, olduğunu yeyər.
***
Qonaqlıq yaxşı şeydir – bir gün bizdə, bir gün sizdə.
***
Vaxtsız qonaq öz kisəsindən yeyər.
***
Qonşu qonşu olsa, kor qız ərə gedər.
***
Qonşu payı qarın doyurmaz.
***
Qonşu toyuğu qonşuya qaz görünər.
***
Qonşuda bişər, bizə də düşər!
***
Qonşu aşı dadlı olar.
***
Qonşu qonşuya baxar – özünü oda yaxar.
***
Qonşunu iki inəkli istə, özün bir inəkli olasan.
***
Qonşunun xətrin istə (qədrini bil), amma çəpəri arada saxla.
***
Qonşunun şamından işıq düşməz.
***
Qonşuya ümid olan şamsız qalır.
***
Evdə bişməyib, qonşudan gəlməyib!
***
Gəmiyə minib gəmiçi ilə dalaşma.
***
Gülmə qonşuna, gələr başına!
***
Evin yaraşığı uşaqdır, süfrənin yaraşığı qonaq!
***
Qohumun kimdir? – Yaxın qonşum.

Ağa ağ deyiblər, qaraya qara
İlanın ağına da lənət, qarasına da.
***
Qara günün ağ günü də var!
***
Qaradan tünd rəng yoxdur!
***
Zor qapıdan gələndə, haqq bacadan qaçar.
***
Ağın adı var, qaranın dadı!
***
Pis olmasa, yaxşının qədri bilinməz.
***
Pisi istəmir, yaxşıya da əli çatmır.
***
Pis günümdə məni istə, yaxşı gündə istəyənim çox olar.
***
Cəfa çəkməyən şəfa görməz!
***
Gül tikansız olmaz.
***
Ağ gün ağardar, qara gün qaraldar.
***
Zülm ilə abad olan ədl ilə bərbad olar.
***
Zülm yerdə qalmaz.
***
Yaman günün ömrü az olar.
***
Haqq yandıran şamı söndürmək olmaz.
***
Şər deməsən, xeyir gəlməz.
***
Yaman günə səbr edən yaxşı günə tez çatar.
***
Yaman günü görməyən yaxşı günün qədrini bilməz.
***
Yaman olmasa, yaxşılığın qədri bilinməz.
***
Yaman yeyənin olsun, yaman deyənin olmasın.
***
Yaxşılıq elə ki, başına gəlsin.
***
Yaxşılıq elə, minnət qoyma.
***
Yaxşılıq eləyən yaxşılıq görər.
***
Yaxşılıq eləyib, bir şey umursansa, eləməsən yaxşıdır.
***
Yaxşılıq itməz.
***
Yaxşılıq qarşılıqlı (ikitərəfli) olur.
***
Yaxşıya yaxşı deyərlər, yamana yaman.

Dövlət başa bəladır
Dövlət ağıllının nökəridir, axmağın ağası.
***
Aldığın sənin deyil, xərclədiyin sənindir.
***
Dövlət dəniz suyu kimidir: içdikcə içmək istəyirsən.
***
Dövlətə bel bağlama.
***
Dövlətin ən yaxşısı ağıldır.
***
Dövlətlinin dili uzun olar, əli qısa.
***
Dövlətlinin xoruzu da yumurtlar.
***
Qızıl ləyənin içinə qan qusandan sonra nəyə gərək?!
***
Dünya malı dünyada qalacaq.
***
Varını verən utanmaz.
***
Ağıllı yoxsul axmaq varlıdan yaxşıdır.
***
Ağıllı adam – var-dövlətin ağası, axmaq adam – var- dövlətin nökəri.
***
Kasıbın toyunda gecə qısa olar.
***
Abdaldan paşa olmaz, taxtadan maşa.
***
Bəy dediyin nədir, bəyənmədiyin nədir?!
***
Bəy ilə bostan əkənin tağı çiynində bitər.
***
Bəyin əli cibindən çıxınca, kasıbın canı çıxar.
***
Qazanc qudurub mayanı yedi.
***
İlxıçının qazancı havayı at minmək olar.
***
Alan alıb varlanıb, satan satıb aldanıb!
***
Almadığın heyvanın noxtasından yapışma.
***
Cavahir bazarında muncuq satılmaz.
***
Abbasını bəyənməyən beş şahı çıxardar.
***
Pulluya "bəli" deyərlər, pulsuza "dəli".
***
Kasıb pul tapdı, qoymağa yer tapmadı.
***
Öküzü olana borc gön verərlər.
***
Əmanətə xəyanət olmaz.
***
Malın mal olunca bazarın bazar olsun.
***
Müftə sirkə baldan şirindir.
***
Nağdı qoyub, nisyənin dalınca düşmə!
***
Artıq tamah daş yarar, daş qayıdar baş yarar!
***
Çox yemək adamı az yeməkdən də qoyar.
***
Saxla gönü, gələr günü!
***
Doşab almışam, bal çıxıb.
***
Yemək ilə doymayan, yalamaq ilə doymaz.
***
Yeyərsən qaz əti, görərsən ləzzətini!
***
Malını yeməyənin malını yeyərlər.
***
Çox yemək adamı az yeməkdən də qoyar!
***
Keçəl halva yeyər, puluna minnət!
***
Ucuz ətin şorbası olmaz.
***
Evində yoxdur darı, oturub hamıdan yuxarı.
***
Qızıl açar dəmir qapıları açar.
***
Acığın dövlətə zərəri var.
***
Qızıl taxtın olunca, qızıl bəxtin olsun.

Qışın qarı, yayın barı
Hər aşiqin bir dövranı var.
***
Hər gecənin bir gündüzü var.
***
Cücəni payızda sayarlar.
***
Vaxtı itirsən hədər, görərsən böyük zərər.
***
Vaxtsız banlayan xoruzun başını kəsərlər.
***
Bir gül ilə bahar olmaz.
***
Yaxşı il baharından bəlli olar.
***
Yaz var, qış var, nə tələsik iş var?
***
Yaz dumanı bar gətirər, qış dumanı qar.
***
Yazda çalan qışda oynar.
***
Ölmə, eşşəyim, ölmə, yaz gələr, yonca bitər.
***
Yayda işlə, qışda dişlə.
***
Gecə qara, cücə qara.
***
Axşamın xeyrindən gündüzün şəri yaxşıdır.
***
Gündüz çıraq yandıran axşam qaranlıqda qalar.
***
Yel aparan yelinki, yerə qalan mənimki.
***
Yel əsəndə yellənir, yol görəndə yollanır.
***
Kürkü yayda al, orağı qışda.
***
Qalan işə qar yağar!
***
Ağıllı kişi qışın qeydinə yayda qalar.
***
Yayda başı bişənin qışda aşı bişər.

Конец ознакомительного фрагмента.
Текст предоставлен ООО «ЛитРес».
Прочитайте эту книгу целиком, купив полную легальную версию (https://www.litres.ru/raznoe-4340152/atalar-sozu-68289583/) на ЛитРес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.