Biznes va hayotda norasmiy ta’lim
Biznes va hayotda norasmiy ta’lim
Donald Tramp
O‘zingiz va ishingizga sodiq bo‘lish katta qadriyatdir. Unutmang: qadriyatlarni himoya qilish zarur. O‘z fi krlaringizda qattiq turish oson, deb sizga hech kim, hech qachon aytmaydi, lekin ishonchim komilki, bu zarur. Qolgan narsalarga kelsak, nima qilayotgani ngiz va kim uchun qilayotganingizni qat’iy aniqlab oling. Shunda ertami, kechmi har turli ma’nodagi boylikka eri shasiz.
Donald Tramp
Biznes va hayotda norasmiy ta’lim
SO‘ZBOSHI
Donald bilan ishlashning afzalliklaridan biri uni kundalik hayotda kuzatish imkonidir. Tanishganimizdan buyon yillar davomida haqiqiy Donaldni ham, mashhur Donaldni ham o‘rgandim va ikkisi ham bir inson ekanini tushundim. Hayotdagi Donald ommaviysidan ancha zalvorli va ahamiyatliroqdir.
U bilan birga ishlar ekanman, uning qanday fikrlashiga, fikrlari so‘zlarga, so‘zlari harakatga aylanganiga guvoh bo‘ldim. Aksar hollarda bu insonning fikrlari, so‘zlari va amallari bir-birini mantiqan davom ettiradi. Balki, shu sababdan ham u dangal va cho‘rtkesarroq. Uning fikrlari, so‘zlari va amali bir butunlikni hosil qiladi, aynan shuning uchun ham Donald dangal.
Ko‘pchiligimizning bir o‘zi uch xil kishiga o‘xshaydigan tanishlarimiz bor. Ular bir narsani o‘ylashadi, boshqasini gapirishadi, amalda esa uchinchi ishni qilishadi, xatti-harakatlari o‘y-xayollariga ham, so‘zlariga ham umuman to‘g‘ri kelmaydi. Bunday odamlar muvaff aqiyatga erishganlariga qaramay, butunlay qarama-qarshiliklarga to‘la hayotda yashashlarini ko‘rganman.
1980-yillarning boshida ilk katta biznesimni yo‘qotdim. Boridan ayrilish hammamizning tasavvurimizdagi kabi juda yomon edi. Hamma narsamni yo‘qotdim va o‘zimni omadsiz sanay boshladim. Eng katta yo‘qotish o‘z kuchimga bo‘lgan ishonchni yo‘qotish edi. Nima qilish kerakligini bilar, ammo ayrim sabablarga ko‘ra qilmasdim. Keyingi o‘n yil mobaynida o‘z ustimda olib borgan ishim o‘z o‘y-fikrlarim ustidan boshqaruvni egallashga qaratildi. Yana to‘g‘ri fikrlay olish uchun buyuk insonlar fikrlarini o‘qib, eshita boshladim. Biznes bilan bog‘liq hayotim sekin, ammo to‘g‘ri rivojlana boshladi va yana g‘alabaga erisha boshladim.
1987-yilda fond bozorining qulashidan so‘ng qo‘limga Donald Trampning «Kelishuvlarga erishish san’ati» kitobi tushdi. Uni o‘qish uchun rafiqam bilan barcha ishlarni yig‘ishtirib qo‘ydik. Atrofimizdagi olam ag‘dar-to‘ntar bo‘layotgan bir paytda biz Donaldning so‘zlari va harakatlari orqali biznes olamini ko‘rish imkoniga ega bo‘ldik. 1994-yilga kelib, rafiqam bilan to‘liq moliyaviy erkinlikka erishdik. Bo‘sh vaqtimizda u bilan Donaldning kitobi bizni qanday ilhomlantirgani, atrofimizdagi betartiblikka qaramay olg‘a intilishga undaganini tez-tez eslaymiz.
1997-yilda Donaldning «Qaytish san’ati» («The Art of the Comeback») kitobini o‘qir ekanmiz, buyuk insonning o‘y-fikrlariga quloq tutayotganimizga amin bo‘ldik. Hamma ham haqiqatni ochiq ayta olmaydi, o‘z xatolari, saboqlar va tuganmas urinishlari haqida yozishga undan-da kamrog‘i tayyor.
2004-yilda Kim ikkimiz Donald bilan ilk bor uchrashdik. Albatta, biz tanish emasdik, ammo u juda xushmuomala edi va biz unga kitoblari orqali fikrlari bilan bo‘lishgani uchun minnatdorlik bildirdik. 2006-yilning oxirida Donald ikkimiz «Biz nima uchun boy bo‘lishingizni istaymiz?» nomli kitobni chop etdik.
Odamlar taqdiriga qiziqish va ular bilan o‘z bilimlarimizni ulashish istagi Donald ikkimizni bu kitobni yozishga undadi. Asarda 2008-yilda butun dunyoga xavf solgan moliyaviy inqirozni ham taxmin qilgandik.
Bu kitobga so‘zboshi yozish men uchun katta sharaf, chunki Donald rafiqam ikkimizni chempionlar kabi fikrlashga o‘rgatib, bizga katta sovg‘a ulashdi. Bu sovg‘a butun dunyoga atalgan… u puldan ham qadrliroqdir.
Robert Kiyosaki
KIRISH
Hayotimda muvaff aqiyatga intilgan ko‘p insonlarni ko‘rdim. Men ham ulardan biriman. Cho‘qqiga chiqishimga hali ancha uzoq bo‘lsa-da, salmoqli natijaga erishishga ulgurdim. Shu tufayli menga muvaff aqiyat «sirlari» haqida ko‘p savol berishadi. Bu borada qandaydir sirlar bor deb o‘ylamayman, ammo har birimiz bizga yordam beradigan allaqanday formulani qo‘lga kiritishni istaymiz.
Ushbu kitobda, nazarimda, inson muvaff aqiyatga erishishi uchun fikrlarini ma’lum bir yo‘nalishga yetaklovchi g‘oyalar yig‘ilgan. Menga ularning foydasi tekkan. Bu asosiy qoidalarim va ularni hayotga tatbiq qilishning usullarini ochib beruvchi chuqur, mulohazali tomonimdir. Ommaviy axborot vositalari orqali yaratilgan obrazim bu aloqaga kirishuvchan, o‘ziga ishongan, ba’zan surbet, ammo odatda to‘g‘riso‘z inson. Ko‘pchilik cho‘rtkesar va dangalligim uchun yoqtirishmaydi. Ammo muhim bo‘lmagan narsalarni chetga surib, asosiy maqsadga tez erisha olganim uchun muvaff aqiyatliman.
«Yetakchilik» kitobim hayotga va biznesga aynan shunday yondashuv namunasidir. Odatda, muammoni topib, uni o‘rganib chiqaman, qismlarga ajrataman va shu kabi har qanday masalani hal etishga qodir formula yarataman.
Har doim masalani puxta o‘rganishga vaqt va kuch sarflashdan qochmayman, uning tubiga yetib, o‘ziga xos va samarali yechimni taklif qilishda chuqur tahlil qilaman. Maktab davrimda otam Fred K. Tramp har hafta menga mashhur odamlarning ilhomlantiruvchi iqtiboslarini yuborardi. Iqtiboslarning ko‘pi yetakchilik, hayotda qanday qilib g‘oliblikka erishish haqida edi. Ular menga ko‘p narsani o‘rgatdi va hali ham bu so‘zlarga murojaat qilaman. Shuning uchun ularni siz uchun bu kitobga kiritdim. Hayotimda otam kabi ustoz nasib etdi va umid qilamanki, uning iqtiboslar to‘plami sizga ham foydali bo‘ladi. Bu kitobni otamga bag‘ishlayman, chunki o‘rgatganlari uchun undan minnatdorman. Kitobda to‘plangan fikrlar sizga to‘g‘ri yo‘l ko‘rsatadi va ilhomlantiradi, deb umid qilaman.
OCHERKLAR, QADRIYATLAR VA STIVEN KING HAQIDA
Biz bilan qanday o‘yinlar o‘ynashmasin, o‘zimiz bilan o‘yin o‘ynamasligimiz kerak.
Ralf Uoldo Emerson.
«New York Times Book Review»ning 2007-yil 30-sentabr sonida Stiven Kingning zamonaviy hikoyanavislikka bag‘ishlangan ocherki chop etildi. Siz Stiven King sermahsul va muvaff aqiyatli yozuvchi, oltmishta kitob va to‘rt yuzta hikoya muallifi ekanini bilsangiz kerak. 1996-yilda uning hikoyalaridan biri O’ Genri mukofotiga sazovor bo‘lgan. King ocherkida novella yoki zamonaviy qisqa hikoya fenomenini tahlil qilar ekan, u o‘ta mustaqil va o‘quvchilardan ko‘ra ko‘proq noshirlar va tanqidchilar uchun yoziladi, degan xulosaga keladi. Ushbu chuqur mulohaza meni o‘ylantirib qo‘ydi: nima uchun yozyapman va kitobimni kim o‘qiydi?
Qisqa ocherklarni yoqtiraman, shunday ekan aytish mumkinki, novella prozada o‘ylab topilgan janr deb hisoblanishiga qaramay, novellaga ma’lum bir aloqadorligim bor. Novella oddiy janr emas, har qanday yozuvchi bu fikrga qo‘shiladi, chunki unda muallif kamgap bo‘lishi kerak. Ocherklar haqida ham shunday deyish mumkin, ular xuddi shunday lo‘nda va bir mavzu bilan cheklangan. Stiven Kingning ocherkini o‘qib, u o‘z fikrlarini bor yo‘g‘i bir sahifada mukammal ifoda eta olishini tushunasiz. Uning ishiga baho berishim uchun Stiven King bo‘lishim shart emas. Men har kuni shug‘ullanadigan faoliyat murakkabligini tushunish uchun esa siz ham magnat[1 - Magnat – davlat boshqaruvida iqtisodiy ta’sir kuchiga ega badavlat tadbirkor.] bo‘lishingiz shart emas.
Stiven Kingning aytishicha, bugungi kunda qisqa hikoyalar bozori juda tor, shuning uchun yozuvchilar har qachongidan ham ko‘proq taassurot qoldirishga intilishadi, ammo yoqimli mutolaa istagida bo‘lgan o‘quvchilarga emas, balki hikoyalarini chop eta oladigan noshirlarga. Men sizga aytsam bunda ham mantiq bor. Qay sohada ishlamaylik, har birimizning o‘z auditoriyamiz bor, demografik jihatlarni ham inobatga olish zarur.
Stiven Kingning ta’kidlashicha, zamonaviy novellachilar o‘z asarlarini ularni chop etish imkoni bo‘lgan insonlarga mo‘ljallab, shaxsiy qadriyatlarini himoya qilishadi. Haqiqiy o‘quvchi ikkinchi darajaga o‘tadi, chunki noshir birinchi o‘rinda bo‘lmas ekan, novella xoh mukammal, xoh o‘rtamiyona bo‘lsin, mushtariygacha yetib bormasligi mumkin. Bu oqilona yondashuv, ammo janob Kingning novellalar tor doiraga (ayni damda noshir va tanqidchilarga) mo‘ljallanganligi haqidagi nuqtayi nazarini ham tushunaman.
Aytaylik, turarjoy qurilishiga kirishishdan avval unda kim yashashi haqida o‘ylayman. Har qanday tadbirkor kabi demografik ko‘rsatkichlarni o‘rganaman. Loyiham haqida xabar topishlari uchun bozorda uning targ‘iboti bilan shug‘ullanishni istaydigan (yoki istamaydigan) kishilarni qiziqtira olishim kerak. Bugun nomim yetarlicha taniqli va sifatning oltin darajasi bilan shunchalik bog‘liqki, ko‘p gapirishimga to‘g‘ri kelmaydi. Tramp ismi o‘z-o‘zidan sifat kafolati demak.
Stiven Kingning fikricha, novellalar atay do‘konlar peshtaxtalarining pastki qatorlari uchun mo‘ljallanadi[2 - Do‘konlar peshtaxtalarining pastki qatorlariga talabgir bo‘lmagan mahsulotlar joylashtiriladi.]. Unga ko‘ra, Amerika novellanavisligi bugun hayot, ammo zaif. Va buning asosiy sababi chamasi, maqsadli bozorning tobora torayayotganida. O‘ylaymanki, King qisqa hikoyalarni o‘quvchi mutolaasi uchun emas, chop etilish uchun yozishlarini ta’kidlab, vaziyatni juda to‘g‘ri baholagan. Agar biror ishni qilayotib, allaqanday tanqidchilarga yaxshi taassurot qoldirishni maqsad qilganimda nafaqat o‘zimni, balki boshqalarni ham aldagan bo‘lardim. Bu meni yoqtirishlari va yoqtirmasliklarining ham sabablaridan biridir.
Aytgancha, «New York Times» tanqidchilaridan biri Gerbert Maschemp bir kuni aytishicha, tanqidchilar fikrini atayin inobatga olmagan chog‘larimda ularni inobatga olgan paytimdan ko‘ra ko‘proq muvaff aqiyatga erishar ekanman. Bu fikrga qo‘shilishga majburman va o‘ylaymanki, Stiven King novella haqida ham shu fikrni ilgari surish mumkinligini inkor etmaydi.
O‘zingiz va ishingizga sodiq bo‘lish katta qadriyatdir. Unutmang: qadriyatlarni himoya qilish zarur. O‘z fikrlaringizda qattiq turish oson, deb sizga hech kim, hech qachon aytmaydi, lekin ishonchim komilki, bu zarur. Qolgan narsalarga kelsak, nima qilayotganingiz va kim uchun qilayotganingizni qat’iy aniqlab oling. Shunda ertami, kechmi har turli ma’nodagi boylikka erishasiz.
INNOVATSIYALAR
Butun dunyo armiyasidan qudratliroq kuch – mavridi kelgan g‘oyadir.
Viktor Gyugo
Yangiliklarni ko‘pincha innovatsiya deb atashadi. Ko‘p hollarda yangilik bu eski tarkibiy qismlarning avval mavjud bo‘lmagan birlikka jamlanishidir. Nyu-Yorkdagi «Trump International Hotel & Tower» – ko‘p qavatli turarjoy va mehmonxonani bir binoga jamlash g‘oyasini taklif etganimda meni novator deb atashdi. Keyin bu qarorni milliy va xalqaro miqyosda ko‘p bor «aylantirishdi» (o‘zim va boshqa quruvchilar) va u juda muvaff aqiyatli bo‘lib chiqdi.
Menga bu fikr shunchaki oqilona bo‘lib ko‘rinadi, muhim kashfiyot qildim, deb o‘ylamayman. Lekin ortga nazar solar ekanman, shunday deb hisoblasam ham bo‘ladi, deb o‘ylab qolaman. Novatorlar va innovatsiyalar haqida maqolalar o‘qiganimda qanday qilib kashfiyotchi bo‘lish mumkinligi to‘g‘risida o‘ylayman va fikrimcha, bu haqida talabalar ko‘proq fikr yuritishlari kerak.
Stiv Rayx ismli kompozitor – «fazalash» nomini olgan g‘oya muallifi haqida eshitganman. Bu g‘oya avtomobil oyna tozalagichlarining goh musiqa ritmiga monand, goh monand bo‘lmagan ohangi bilan bog‘liq. Ehtimol, yomg‘irli kunlarning birida u tirbandlikka tushib qoladi, oyna tozalagichlarning tovushi uning e’tiborini tortadi va musiqiy kompozitsiya yaralishiga sabab bo‘ladi. Bu inson zamonaviy musiqaga katta ta’sir o‘tkazgan va novatorlikning yaxshi namunasini ko‘rsatgan. Ba’zan yangi g‘oyalar oyna tozalagichlar kabi juda oddiy va maishiy narsalardan tug‘iladi. Muhimi – detallarni ko‘ra olish, ong va hislarni yangi g‘oyalar uchun ochish.
Bir paytning o‘zida ikkita narsa haqida o‘ylash juda foydali. Buni ko‘p bosqichli diqqat deb atayman. Ikki g‘oyaning to‘qnashuvi natijasida innovatsiya yuzaga keladi: oyna tozalagichlar tovushini eshita turib, musiqa haqida, turarjoy va mehmonxona haqida o‘ylash yoki yumalab ketayotgan toshga qarab, g‘ildirakni tasavvur qilish. Bu nimalarga olib kelishini kim ham bilardi! Ba’zan bundan misli ko‘rilmagan ixtirolar paydo bo‘ladi, ba’zan esa yo‘q, ammo bu fikrlashning yangi kengliklarini ochadi va goho yaxshi meva beradi.
Kashfiyotchilik ko‘pincha to‘satdan sodir bo‘ladi. Shuning uchun yana bir yaxshi usul – ongning ta’sirchanligini rivojlantirishdir. Bu san’atda bo‘lganidek, biznesda ham muhim. Agar lavozim pillapoyasida ko‘tarilmoqchi bo‘lsangiz, odatiy, ratsional fikrlash bilan cheklanib qolmang. Ilk kitobim «Bitim tuzish san’ati» deb nomlanadi. Haqiqatan ham, kelishuvlarga san’at asariga yondashgandek yondashaman. Balki shuning uchun ham ular odatda muvaffaqiyatli bo‘lib chiqadi. O‘ylash va ishlash chog‘ida miyamning ikkala yarim shari ham ishlaydi.
π soni («pi» deb o‘qiladi) haqida eshitgan bo‘lsangiz kerak – bu aql bovar qilmaydigan son. Uni Pifagordan tortib Leonardo da Vinchigacha bo‘lgan turli mutafakkirlar qo‘llashgan va katta ehtimol bilan, piramida quruvchilari ham. Uzoq vaqt avval ixtiro qilingan π soni 3,1415926535 ga teng. Uni «Oltin kesim» deb atashadi. Agar ko‘proq ma’lumot olmoqchi bo‘lsangiz, Mario Livioning «The Golden Ratio» kitobini o‘qing, unda ko‘p tafsilotlar yozilgan. Menimcha, π raqamini ongli ravishda ishlatadigan odamlar bor, lekin bu haqda ong osti darajasida biluvchi, o‘z ishlarida ataylab emas, balki tasodifan ishlatadiganlar ham bor. U ko‘p hollarda ongli ravishda qo‘llaniladi. Ammo aniq fanlardan uzoq bo‘lgan ishlarda, tabiatda, masalan, dengiz mollyuskalarida yoki olis yulduzlarda, shuningdek, san’at asarlari va me’moriy yodgorliklarda «oltin kesim»ning qanday paydo bo‘lishi mutlaqo tushunarsiz. Sizning ixtirochilik harakatlaringiz hayotda mo‘jiza uchun joy borligini va unga tayyor bo‘lish kerakligini tushunishga yordam beradi.
Sizga faqat g‘ayritabiiylikka tayanishni maslahat bermayman: hayotiy muvaff aqiyat sog‘lom fikr va mashaqqatli mehnatni talab qiladi. Shunchaki, tushuntirib bo‘lmaydigan narsalarni rad qilmang – ular yangi g‘oya sari qadam bo‘lishi mumkin. Zero, biz yaratmaymiz, balki bir vaqtlar biz uchun yaratilgan narsalarni birlashtiramiz. Qiziqishlaringiz qanday bo‘lishidan qat’i nazar, zo‘r yig‘uvchi bo‘ling va ixtirochiga aylaning. Katta aql bo‘sh qolmasligi uchun juda ko‘p fikrlar va turtkilarga muhtoj, shuning uchun miyangiz doimo band bo‘lishini nazorat qiling. Bu siz uchun muvaff aqiyatli odamlar dunyosiga chipta bo‘lishi mumkin.
JAMOAVIY ISHNING AHAMIYATI
Birga yig‘ilish – bu boshlanish, birga qolish – rivoj, birga ishlash – muvaff aqiyat.
Genri Ford
O‘zim xususiy tadbirkor bo‘lsam-da, jamoada ishlash qanchalik muhimligini doim yaxshi bilganman. Global nuqtayi nazardan, barchamiz bir jamoa a’zolarimiz va birlashmasak, intilayotgan natijamizga erisha olmasligimiz mumkin. Bugun jamoa bo‘lib harakat qilish muvaff aqiyatga erishish va yashash uchun avvalgidan-da muhimroqdir.
Shu haqda o‘ylar ekanman, bir nechta ajoyib jamoaviy o‘yinchilar yodimga tushadi. Ko‘pchilik televideniye jurnalisti va yozuvchi Tom Brokouni yaxshi taniydi. U ko‘p mukofotlarni qo‘lga kiritgan, hamkasblari va keng jamoatchilik ehtiromiga erishgan. Esimda, «Shogird» shousi ekranlarga endi chiqib, mashhurlikka erisha boshlagan chog‘da (o‘sha haftada reytinglarda eng yuqori o‘rinni egallagan) meni Yankees o‘yiniga Jorj Steynbrennerning lojasiga taklif etishdi. Tom va uning go‘zal rafiqasi ham taklif etilgan mehmonlar qatorida edi. Tom yonimga kelib, yelkamni qoqib qo‘ydi va dedi: «Donald, «NBS» uchun qilgan ishlaring tahsinga loyiq. Biz sendan juda minnatdormiz».
Uning so‘zlari – jamoaviy ruhning ajoyib namunasi. Biz bu tarmoq uchun birgalikda ishladik va u menga qilgan ishlarim uchun tashakkur aytdi. «Ular» «biz»ga aylandi va u aynan nimani nazarda tutganini tushundim. Albatta, u taniqli odam, ammo bu dastur faqat o‘zining mehnati natijasi emasligini tushunadi. Dasturim ham faqat o‘zimniki emas. Darhaqiqat, yillar osha donolashib borar ekansiz, qilayotgan ishingiz o‘zingizgagina aloqador emasligini tushunasiz. «NBS»da sodir bo‘layotgan har bir hodisa Tomning e’tiboridan chetda qolmaydi, «Shogird» shousining muvaff aqiyati esa uning jamoasiga foyda keltiradi. Bu so‘zlar menga uning bir butun fe’l-atvor egasi ekanini namoyon qildi. Balki, shu tufayli ham uni kompaniyadagilar va undan tashqarida ham yaxshi ko‘rishar.
Yana bir voqea. Los-Anjelesda «Emmi» mukofotini topshirish chog‘ida sahna ortida turganimda yonimda «Will and Grace» serialidagi roli uchun mukofot va gulduros qarsaklarga sazovor bo‘lgan Debra Messingni ko‘rdim. Bu ayol menga doim yoqqan (balki, gap uning mayin sochlaridadir). U yonimga kelib, shoum muvaff aqiyati uchun menga muloyimlik bilan minnatdorlik bildirdi. Shunda qarshimda yana bir jamoaviy o‘yinchi turganini tushundim: uning seriali ham «NBS» kanalida efirga uzatilardi.
Oradan bir necha yil o‘tsa-da, juda yaxshi eslayman: bir kuni Jeff Suker xonamga kelib, «Saturday Night Live» dasturida qatnashishni taklif qildi. Meni ijobiy javob berishga majbur qilgan sabablardan biri bu shouning «NBS» kanalida efirga uzatilishi, men esa uning bir qismi ekanim edi. Jamoaviy ruhning g‘oyat katta ahamiyatini tan olmasdan iloj yo‘q va bu taklifga rozi bo‘lganimdan afsuslanmayman. Biz vaqtni mazmunli o‘tkazdik.
Ishonchim komilki, shaxsiy va professional hayotda jamoaviy ruhni qo‘llab-quvvatlash juda yaxshi, ba’zan esa kutilmagan natijalarga olib kelishi mumkin. Bundan tashqari, hamfikrlaring bilan bir yo‘lda borayotganingni bilish ajoyib his. Jamoa kuchiga munosib baho bering va uning asosiy ishtirokchisiga aylanasiz.
SHUKRONA KUNI
Ichimizdagi cho‘g‘ ba’zan so‘nib qoladi va boshqa inson tufayli yana alangalanadi. Har birimiz ichimizda olov yoqqan insonlarga nisbatan chuqur tashakkur hissini tuyganmiz.
Albert Shveyser
Mana, o‘n sakkiz yildirki, har yili Rosh Xa-Shanadan[3 - Rosh Xa-Shana – yahudiylarning yangi yil bayrami.] bir kun avval menga Los-Anjeles ravvinlaridan biri qo‘ng‘iroq qiladi. Yahudiy emasman, ammo qo‘l ostimda ko‘p yahudiylar ishlaydi, shu tufayli ularning urf-odatdari bilan tanishman va Rosh Xa-Shana bayramidan yahudiylarning yangi yili boshlanishini yaxshi bilaman.
Ravvinning qo‘ng‘irog‘i menda o‘zgacha his uyg‘otadi: ko‘p yillar avval erkak va uning ayoli o‘g‘illaridan ayrilishgan. Shunday bo‘lsa-da, o‘zlariga (va menga ham) hayotlaridagi shukronalarni yodga solish uchun har yili qo‘ng‘iroq qilishadi. Bu insonning xatti-harakatlari chin shukronalik namunasi. 1988-yilda ularning uch yoshli o‘g‘illari betob bo‘lib qoldi. Los-Anjeles shifokorlari kasallikni yenga olmadilar. Bir kuni bolakayning otasi menga qo‘ng‘iroq qilib, samolyotimdan foydalanishni so‘radi. Biz tanish emasdik. Otaning tushuntirishicha, hech bir aviakompaniya bolani ko‘chirishga rozi bo‘lmagan, chunki bemorning hayotini ta’minlab turish uchun maxsus qurilmalar kerak edi. Aviakompaniyalar buni juda xavfli deb topishdi. O‘sha paytda mening ham bolalarim hali go‘dak edi va darhol ravvinning iltimosini bajarishga rozi bo‘ldim. Axir, boshqacha yo‘l tutishim mumkinmidi? Nyu-York shifokorlari bolaning og‘ir o‘pka kasalligini yengishiga umid qilib, darhol samolyotimni jo‘natdim, so‘ng bola va uning ota-onasini Nyu-Yorkka eltib qo‘yishdi. Bolani qutqara olishmadi, lekin uning ota-onasi hali ham mendan minnatdor. Ularning minnatdorchiligi kaminani chuqur hayajonga soladi.
Bugun, mamlakatdagi ahvol og‘ir bo‘lgan bir paytda, ravvinning qo‘ng‘irog‘i menga og‘ir, ba’zan fojiali damlarda baxtsizliklar orasidan yaxshilik topishning yaxshi misoli bo‘lib tuyuladi. Bu oila va ularning fidoyiligi ajoyib namunadir va bu odamlarga buni eslatgani uchun rahmat aytmoqchiman. Barchamiz yangi yil, shukrona kuni yoki hayotimizning istalgan kunida minnatdor bo‘ladigan narsamiz borligini unutmasligimiz kerak.
BILIM – YANGI IBTIDO
Har qanday hokimiyat yoshlarga ta’lim berishdan boshlanadi.
Pifagor
Pifagor tafakkurga matematik hisob bilan yondashgan. U dono edi. Pifagor matematik va faylasuf edi va ilm ahamiyatini yaxshi tushunardi. Pifagor ancha yillar avval yashab o‘tganiga qaramay, ko‘p narsalar, masalan, ta’limning shaxs va jamiyatdagi ahamiyati hamon o‘zgarmagan.
Biror yangi ishga kirishar ekanman, ko‘p yangi narsalarni o‘rganishimga to‘g‘ri kelishini yaxshi tushunaman. Bu meni qo‘rqitmaydi, aksincha kuchimga kuch qo‘shadi. Bu yangi ibtido, yangi bosqich hissiga o‘xshaydi. Golf maydoni qurishni boshlaganimda miyamdan misli ko‘rilmagan hajmdagi yangi axborotni o‘tkazdim, ammo bundan ajoyib yangilik hissini tuydim. Golf maydonlarini qurishning turli ikir-chikirlarini o‘rganishni yoqtirardim. O‘ttiz yil avval kimdir menga shu ish bilan shug‘ullanishimni aytganida, buni hazil deb o‘ylagan bo‘lardim. Ammo bu ish menga katta lazzat bag‘ishladi.
Yangi g‘oyalar va yangi bilimlar uchun ong doim ochiq turishi juda muhim. O‘zingizni o‘ta bilimdon deb hisoblash – yangi kashfiyotlar va imkoniyatlar uchun eshikni yopish demakdir. Bu eshik har kuni biror yangilik va ilhom uchun ochiq bo‘lsin. Ba’zida yangi kun menga nimalarni olib kelarkin, deya entikib kutaman va bu kunning ajoyib boshlanishidir. Goho buning uchun biroz mashaqqat chekishga to‘g‘ri keladi va bunda kitoblar va boshqa ma’rifiy tadbirlar juda qo‘l keladi. Ular doim qo‘l ostimizda bo‘lishi kerak. Balki shunchaki omadlidirman, lekin hech qachon bo‘sh qolmayman. Fikrimcha, aynan shu muvaff aqiyatimning muhim omillaridan biri.
Goh-goh (tez-tez bo‘lsa, undan-da yaxshi) o‘zingizga savol bering: nima haqida ko‘proq bilimga ega bo‘lishim kerak? Balki dunyo tarixi haqidadir. Bugungi vaziyatda turli madaniyatlarning paydo bo‘lishi va bugungi holatini o‘rganish zarar qilmaydi. Yoki yana biror nimalarni. Har kuni xalqaro yangiliklarga ko‘proq e’tibor qaratiladigan gazetalarni va «The Financial Times»ni o‘qishga harakat qilaman. Chunki faoliyatim jahonda bo‘layotgan voqea-hodisalarni kuzatib borishni talab etadi. Birgina shu odat mendan har kuni jiddiy diqqat-e’tiborni talab etadi. Sizning holatingizda bu boshqa ish bo‘lishi mumkin.
Bugungi davrda yetarlicha axborotga ega bo‘lmaslikni oqlab bo‘lmaydi. Bilimlar avval hech qachon bugungidek ochiq bo‘lmagan va qadimgi yunonlarga qaytar ekanman, sizga Suqrot va uning eng mashhur iborasini eslatmoqchiman: «Men faqat hech narsa bilmasligimni bilaman». Hurmatli olim va faylasuvga bu so‘zlarni aytish oson bo‘lmagan, ammo ular Suqrotga yangi bilimlar uchun yo‘l ochdi. Boshqacha aytganda, har bir kuningizni yangi oq qog‘ozdan boshlang. Tafakkuringizni oching va yangi ibtidoga imkon bering.
Agar tadbirkorlikka hamma narsani bilaman, degan fikr bilan kirishganimda, ishni boshlamayoq kuyib qolgan bo‘lardim. Bunday xato qilmang. Har qanday sohaning o‘z tosh-tarozisi bor. Avvaliga juda oson ko‘ringan ishlar aslida qanchalik qiyin ekanligini bilib olasiz. Masalan, Nyu-Yorkda bino qurish hududlarga ajratish sohasini, pudratchilar bozorini, me’morlik, soliq va kasaba uyushmalari, qurilish maydoni ustidagi havo bo‘yicha qonunchilikni va yana minglab masalalarni bilishni talab etadi. Ko‘p narsalarni o‘rganishimga to‘g‘ri keldi, tabiiyki, buni o‘rnimga hech kim qilib bermasdi. Har kuni biror yangi narsani o‘rgandim, yangi bilimlarni hayotga tatbiq etdim va olg‘a intildim. Hech kim bir onda quruvchiga aylanib qolmaydi, ishonavering.
Ilmni zerikarli, ta’limni esa ortiqcha mashaqqat deb o‘ylamang. Ular haqiqatdan biroz tartibni talab qiladi, ammo siz uchun haqiqiy sarguzashtga aylanishi yoki sizni yangi yo‘llarga tayyorlashi mumkin. «Chempionlar kabi fikrla» hayot shiorimdagi (asar nomida ham) so‘zlarga e’tibor qiling. Fikrlash – bu ilk qadam. Bu qobiliyatni to‘g‘ri qo‘llash va rivojlantirish uchun bor imkoningizni ishga soling va hayotning sizga atagan sovg‘alarini kuting.
TEZ FIKRLASHNI O‘RGANING
Yetakchi mag‘lub bo‘lishi mumkin, ammo kutilmagan hujumga uchrashga haqqi yo‘q.
Napoleon Bonapart
O‘zingizga bino qo‘yish muvaff aqiyatga erishish imkoningizni qanday poymol qilishi haqida avval ham gapirgandim. Bu xuddi bir qobiqqa o‘ralib, undan chiqishni istamaslikka o‘xshaydi. Shu sabab sizga yangi bilimlar uchun doim ochiq bo‘lishni tavsiya qilaman – bu kibrning butunlay aksi bo‘lib, mulohazalilik demakdir.
Mushkul vaziyatlarda aqliy qobiliyatlarning qanday faollashishini hech sezganmisiz? Xuddi ko‘p miqdorda adrenalin chiqib, kuchga to‘lib ketgandek bo‘lasiz. Agar har yangi kunni o‘z kuchingizga nisbatan jangga chaqiruvdek qabul qilsangiz, qanchalik ko‘p narsaga ulgurish va qanchalik samarali ishlash mumkinligidan hayratga tushasiz.
«Shogird» shousining bergan eng yaxshi sabog‘i – bu tezda fikrlash zaruriyati. Nomzodlarga beriladigan vazifalar vaqt bilan chegaralangan bo‘ladi va qatnashchilarda «B» reja bo‘lishi juda muhim. Bordi-yu, «A» reja ish bermasa, ular bunga tayyor bo‘lishadi va vaqtni yo‘qotishmaydi. Ishtirokchilar bo‘lajak vaziyatni taxmin qilish, unga tayyor bo‘lish va vazifani bajarishga harakat qilishadi. Bular biznesning asosiy tarkibiy qismlaridir.
Biznesda ilk qadamlarimni tashlayotgan chog‘imda meni qiziqtirayotgan kelishuv shartlarinining eng mayda jihatlarini ham o‘rganishga ko‘p vaqtimni sarflardim va hozir ham shunday qilaman. Ko‘pincha meni tezkor harakat qiladi, deyishadi va bu rost. Ammo tezkor harakatim ortida katta tayyorgarlik yotadi va bunga, albatta, hech kim e’tibor qilmaydi. Agar insonni ish ustida ko‘rmagan bo‘lsangiz, bu ishni xonadan tashqarida yoki bo‘sh vaqtida bajarmaydi degani emas. Ishga kirishishdan avval obdan tayyorgarlik ko‘raman, vaqti kelganda hamla qilishga tayyor turaman.
Tez tafakkur qilish – mashq va tartib natijasidir. Tayyor bo‘lmay turib, oldinga yugurib bo‘lmaydi. Vazifangiz – o‘zingizni hamlaga tayyorlash. Faqat orzu-istak bilan cheklanib, uni amalga oshirish ustida ishlamas ekansiz, natijaga erishmaysiz. Buning uchun har kuni mashq qilish zarur. Boshqacha qilib aytganda, o‘z oldingizga maqsad qo‘ying va unga erishish uchun ishlang. Sportchilar o‘zlari harakat qilmasalar, hech kim ular uchun mashq qilmasligini yaxshi biladilar. Tadbirkorlar ham buni uqib olishlari lozim. O‘zingizga ishoning.
«Nega buni avvalroq o‘ylamadim?» deya hech xitob qilganmisiz? Bu gapni aqlli va noodatiy fikrning hayotga tatbiq etilganini ko‘rgan insonlardan eshitganman. Tezkor fikr yuritish yo‘llaridan biri bu o‘z-o‘ziga quyidagicha savol berish: Bu haqda avvalroq qanday o‘ylashim kerak edi? Buni hoziroq sinab ko‘ring va boshqalar sizga «Ajoyib fikr, nega avvalroq bu haqda o‘ylamadim-a?!» deyishlariga guvoh bo‘lasiz. O‘zingizga tafakkur qilish uchun imkon bersangiz, xayolingizga qanchalik ajoyib fikrlar kelishi mumkinligini bilganingizda edi, juda hayron qolardingiz. Tafakkur uchun vaqt talab etiladi. Tez fikrlash qobiliyati shu yo‘sinda rivojlanadi. Har narsaning o‘z vaqti bor: avval yuramiz, keyin yuguramiz va shundan so‘nggina oldinga chopamiz.
«Inson o‘z hayot mazmunini intiluvchanligi bilan oshirishidan-da umidbaxsh biror nimani ko‘rmadim», degan edi Toro. Bu fikr nafaqat umid, balki kuch ham baxsh etadi. Uning ma’nosi shuki, yaxshilab o‘ylab, tafakkur jarayonini amaliy ish bilan yakunlab, yaxshi natijalarga erishish mumkin. Oxiri amaldagi ish bilan tugamas ekan, quruq fikrning o‘zi hech nimaga arzimaydi. Buyuk g‘oyalaringizni amalga oshirish uchun harakat qilmas ekansiz, ular oddiy g‘oya bo‘lib qolib ketaveradi.
Tafakkuringizni sinash uchun qulay vaqtni kutmang. Uni har kuni sinang. Doim idrokingiz uyg‘oq bo‘lsin. Napoleon aytganidek: «Yetakchi mag‘lub bo‘lishi mumkin, ammo kutilmagan hujumga uchrashga haqqi yo‘q». Ayni daqiqadan o‘zingizni yetakchi deb hisoblang. Bu – o‘zingizga ishonishingizni va xoh biznesda bo‘lsin, xoh shaxsiy hayotda taqdir burilishlarining qurboni bo‘lishga tayyor emasligingizni bildiradi. Tayyorgarlik ahamiyatiga past baho berib bo‘lmaydi. Agar ushbu poygada yaxshi natijaga erishishni istasangiz, avvaldan mashq qilishga harakat qiling.
YAXLITLIKKA INTILISH
Bir on to‘xtab, hayrat va zavqdan qotib qolmaydigan kishi murda misoli: uning ko‘zlari yopiq.
Albert Eynshteyn
«Yaxlit tasvirni ko‘ra olish» iborasi sizga tanishmi? Ba’zi odamlar umumiy tasvirning ayrim qismlari yetishmayotganini sezmasliklari yoki bunga ahamiyat bermasliklari yoki o‘zlarini xuddi hammasi joyidadek tutishlari meni hayratga soladi. Bu xuddi pitsa buyurtma qilib, uni tishlangan holda olish-u, lekin butun deb hisoblashdek gap. Shunday bo‘lganida nima bo‘lgani bilan qiziqmasmidingiz?
Hech nima bilan qiziqmaydigan odamlarni uchratganman. Ba’zida o‘ylab qolaman: ular sog‘lommikinlar? Balki ular shunchaki butun pitsani (yaxlit ko‘rinishni) qo‘lga kiritishlariga ko‘zlari yetmas? Nima bo‘lgan taqdirda ham bunday yo‘l tutmaslik kerak. O‘zingizga past baho bermang. Bu biznesda ham, shaxsiy hayotda ham sizga foyda keltirmaydi.
Agar yaxlitlikka intilish raqobatbardoshlik qobiliyatingizni susaytirar ekan, demak, u ishni boshlash uchun yetarlicha rivojlanmagan. Hayotning aksar qismi tirik qolish, moslashish uchun harakat qilishdan iborat, bunga Darvin ham ishora qilgan. Albatta, tabiat tanlovi bu hali hammasi emas, ammo tarixdagi jahon evolyutsiyasining muhim omili sanaladi. Tarixda shakllanib, yo‘qlikka g‘arq bo‘lgan saltanatlar ko‘p bo‘lgan. Masalan, Rim, Usmoniylar va boshqa imperiyalar. Ular bir necha yuz yilliklar mobaynida hukm surgan qudratli davlatlar edi. Ammo ular qulab, yo‘q bo‘ldi va bugun ular haqida faqat tarixchilar eslaydilar. Qisqa qilib aytganda, hamma narsa o‘zgaradi. Biz rivojlanishdan ortda qolmasligimiz, oldinga intilishimiz zarur, aks holda dunyo tarixining bir burchida qolib ketishimiz hech gap emas.
«The Trump Organization» korporatsiyasida doimo nimadir o‘zgarib turar ekan, u menga oziqlantirish zarur bo‘lgan tirik mavjudotni eslatadi. Kompaniya yaxlit bo‘lishi, aniq va batartib ishlashi uchun uning barcha tarkibiy qismlari puxta tayyorlangan bo‘lishi kerak. Vazifam – eng yaxshi mahsulotni ishlab chiqarish uchun kompaniyaning barcha tarkibiy bo‘linmalarining uyushqoq faoliyatini har kuni nazorat qilish. Biror narsani ko‘zdan qochirishga, «pirog»ning biror mahsuloti ikkinchi navli bo‘lib qolishiga yo‘l qo‘yishga haqqim yo‘q. Va bu qoidalarga rioya qilinishiga mas’ulman, chunki bu – mening qoidalarim.
O‘zingizga xuddi korporatsiya kabi munosabatda bo‘ling. Hayotingizning har bir jabhasiga e’tibor qarating. Qanday kuchli tarafingiz bor? Qanday kamchiligingiz bor? Yaxlit ko‘rinish yanada jozibador bo‘lishi uchun nima qilish mumkin? Nima qilsangiz qiling, faqat bir joyda turmang. Kibrga berilmang, berish yoki olishingizdan qat’i nazar, o‘zingizni sizga natijaning yarmi yetarlidek tutmang. Bugun hamma narsa juda tez o‘zgarmoqda va bu tuzoqqa tushishingizga yo‘l qo‘ymang.
Dunyo qanchalik tezkor odimlashini tushungach, ikki barobar ko‘proq ishlashga qaror qildim. O‘z ishimni sevganim va doim ko‘p ishlaganim uchun, bu men uchun katta qurbonlik bo‘lmadi. Hozir har qachongidan-da baxtli va muvaff aqiyatliroqman, ammo zamon bilan hamqadam bo‘lish uchun sekinlashmayman, axir hayotimiz juda tez o‘tmoqda. Nyu-York hayoti shiddatliligi bilan mashhur. Moslashing, yoki mag‘lub bo‘lasiz. Men birinchisini tanladim. Siz ham tanlang. Men bilan musobaqalashadigan har kim tezligimga dosh berishiga to‘g‘ri keladi.
Bir kuni ishxonamga harakatchan, yuqori malakali va o‘qimishli yosh yigit keldi. Esimda, o‘shanda u jamoamdagi eng yaxshi o‘yinchilardan biri bo‘ladi, deb o‘ylagandim. Qanchalar adashgan ekanman! U tushuntirishlarga haddan ziyod vaqt sarflardi va tez orada u bilan uchrashishdan hadiksirab qoldim. Yigit juda sekin ishlar va maydakash edi, tez harakatlana olmasdi. Shu sabab professionalligiga qaramay, bizning tezligimizga moslasha olmadi. Yaxlit tasvirni ko‘rish va unga moslashishga qodir emasdi. U ishdan ketgach, yengil nafas oldim. Siz bilan ham shunday voqea ro‘y berishiga yo‘l qo‘ymang. Moslashishni o‘rganing. Doimo o‘rganishga tayyor bo‘ling.
Ko‘pchiligimiz yakuniy loyiha emas, balki kechayotgan jarayonga o‘xshaymiz. Motsart daho edi, ammo u ham qattiq mehnat qilgan. Biz doim mayda bo‘laklardan yaxlit tasvirni yaratishimiz kerak. O‘ylab qarasak, biz yaratmaymiz, balki yig‘amiz. Ammo bir butunlikni hosil qilish uchun tasvirni ijod bilan, chin dildan yig‘ish lozim. Yaxlitlikka intiling va hayotga bo‘lgan qiziqishni oshiring, shunda barcha sovrinlarni egallashga tayyorligingizni tushunasiz.
O‘ZLIGINGIZGA IMKON BERING
Yutuq yanada katta g‘alabalarga chorlovchi mas’uliyatdir.
Alber Almyu
Yutuq – eng yuqori cho‘qqi emas. Yutuq bu boshlanishi. Yutuqqa erishgan kishi yanada olg‘a intiladi. U keyingi vazifani avvaldan ko‘radi va darhol o‘z oldiga yangi marrani qo‘yadi. Bu shijoatni yaratib bo‘lmaydi, u yo bor, yo yo‘q. Harakatchan inson vazifaning yechimiga kirishadi va navbatdagi maqsad uning tafakkur obyektiga aylanadi. Uning o‘z oldidagi majburiyatlari bor – yanada yaxshilanish. Buni yuksak darajali hayot deb atayman.
Qobiliyatlaringizning eng yuqorisi, o‘zligingizning eng yaxshisi qulaylik hududiga qarshi turadi. O‘sish – hayot belgisi va o‘sish belgilari sezilarli bo‘lishi lozim. Biror shahar haqida «jonli» deyishganini eshitganmisiz? Bu uning o‘sayotgani, unda allanimalar ro‘y berayotganini, bir o‘rinda qotib qolmaganligini anglatadi. Istasangiz, o‘zingizga shahardek munosabatda bo‘ling: gullab-yashnashingiz va yuqori natijalarga erishish uchun ichki va tashqi ishlarni olib boring.
Hayotda «nozik nuqtalar» juda ko‘p. Uni san’at deydiganlar so‘zi haqiqatdan yiroq emas. O‘z ishimga san’atdek qarashimni avval ham aytgandim. Biz buyuklik va shunchaki noodatiylik o‘rtasidagi nozik chegarani his qila olamiz, ammo ba’zan bu chegarani ilg‘ab bo‘lmaydi. Leonardo da Vinchining «Mona Liza»sini nima buyuk asarga aylantirdi? Bu savolga javoblar millionta. Ammo bu hech nimani o‘zgartirmaydi, surat anglab bo‘lmas tarzda o‘ziga rom etib kelmoqda va biz boshqa darajaga, boshqa o‘lchamga ko‘tarilamiz.
O‘zligimizning eng yaxshisi bizga tasavvurimizni boyitishga yordam beradi. «Boy tasavvur» so‘zining ma’nodoshlari ko‘p, masalan, havo saroylari quruvchisi Don Kixot. Uning zamirida haddan ortiq mukammallikka intiluvchi allakim yotadi. Agarda tasavvurlar biror maqsadga ega bo‘lsa, buning yomon tomoni yo‘q. Boy tasavvurli kishilar dunyoni yangi o‘lchamlarga boshlaydi. Masalan, yuqori texnologiyalar sohasi va Bill Geytsni oling, yoki televideniye va Mark Bernett, yoki Pablo Pikasso, Igor Stravinskiy va XX asrning boshqa buyuk insonlari. Ular o‘z qarashlari ortidan intilgan kashfiyotchi bo‘ldilar va yangi kengliklarni zabt etdilar.
O‘zligimizning eng yaxshisi ko‘pincha qadam qo‘yilmagan yo‘llarga boshlaydi. Hech kim bir nuqtadan jilmay, tanish yo‘lakchasidan siljimay yurishni istamaydi. Bu – ma’nisiz va zerikarli. Ba’zan biz biror ishni faqatgina tajriba orttirish va kuch to‘plab olish uchun qilamiz, bu kattaroq maqsad uchun zarur tayyorgarlikdir. Yodda tuting, doimo biror buyuk ish ostonasida turgan bo‘lishingiz mumkin – bu ichingizdagi eng yaxshi «Siz»ga eltuvchi yo‘l va omadsizlik, bekor o‘tgan umr haqidagi fikrlardan chalg‘ishning yaxshi usuli.
Maqsad doim ham aniq bo‘lavermaydi. Ba’zan muhim allanimani, uni qabul qilishga tayyorligingizni his etasiz. Albatta, bu kursida o‘tirvolib, biror nima yuz berishini kutish kerak degani emas. Ko‘p hollarda burilishlar boshqa ish bilan bandligingizda sodir bo‘ladi. Mehnatsevarlik – yangi g‘oyalar ohanrabosi, passivlik va bekorchilik faqat noxushlik olib keladi.
Bajarish qo‘rquvi – insonning eng katta qo‘rquvlaridan biri. U ba’zan istalgan natijaga erisha olmaslik ehtimoli keltirib chiqaradigan, sababsiz yo‘qotish hissi bilan birga kechadi. Omadsizlikka uchrash ehtimoli har doim mavjud, ammo hech narsa qilmay o‘tirgandan ko‘ra biror natijaga erishishga urinib ko‘rsangiz, muvaff aqiyat ehtimoli baribir yuqori bo‘ladi. Radioda muvaff aqiyat qozonaman, deb o‘ylamagandim, ammo «Clear Channel» dasturi mashhurlikka erishdi. Bu urinib ko‘rishga arzir edi.
Agar o‘zingizga imkon bersangiz, hayot qiziqarli sarguzashtga aylanishi mumkin. Har birimiz bu dunyoga birgina bizda bo‘lgan allanimani taklif eta olamiz. Zimmamizdagi vazifa – uning nimaligini topish va ushbu loyihani amalga oshirishga o‘z quvvatimizni sarflash. Bir joyda turmang. Oldinga, maqsadga intiling.
DONOLIK
Tajriba – mehnatsiz erishish imkonsiz bo‘lgan yagona narsa.
Oskar Uayld
Yodimda bir kitobcha qolgan. U faqat bitta mavzuga: «donolik» so‘zini odamlar qanday tushunishlariga bag‘ishlangandi. Turli kasb, turli ijtimoiy qatlam, turli hayot tajribasiga ega odamlar bu borada o‘z fikrlarini bayon etishgan. Javoblar har xil, lekin bir narsa aniqki, ularning bari umumiy asosga ega: tajriba, haqqoniylik va bilim.
Bu kitobni o‘qiganimda yosh edim. To‘g‘risi, hozir uning nomini ham eslolmayman. Kimdir uni maktab kutubxonasidagi stolda qoldirib ketgan, men esa unga tasodifan duch kelgandim. Bilim kuchini anglab yetdim. Tajriba ahamiyatini tushundim, tabiiyki, hali ikkisi bilan ham maqtana olmasdim. Ammo haqiqatparvarlik hamon menga tog‘dek suyanchiq. Bu xususiyatim obro‘-e’tiborim sababidan ko‘p tilga olingan. Nazarimda, yuqori sifat bilan bog‘lanuvchi savdo belgimga bo‘lgan yondashuvimga o‘shandayoq tamal toshi qo‘yilgan.
O‘sha paytda otam Nyu-York atrofidagi qurilishlar bilan shug‘ullanuvchi kompaniyasi obro‘sini yuqori ko‘targan edi. Odamlar uning ishi ma’lum sifat darajasini taklif etishini, «Trump» nomli kompaniya bilan ishlab, tavakkal qilmayotganliklarini aniq bilishardi. Otam shu tarzda nom orttirdi. O‘z biznesimni boshlar ekanman, bankchilar ham, boshqa kasb egalari ham ishona oladigan obro‘ orttirishga qaror qildim. Rostgo‘y tadbirkorligim hech kimda ikkilanish uyg‘otmasligi kerakligini bilardim. Odamlar sizga ishonishlari mumkinligiga amin bo‘lsalargina siz bilan ishlaydilar. Bu loyihalaringiz uchun homiy qidirganingizda muhim o‘rin tutadi.
Agar hozir talaba bo‘lsangiz, kelajagingiz, yangi istiqbol yoki navbatdagi bosqich haqida o‘ylab ko‘rishning ayni payti. O‘zingiz uchun yo‘nalishlarni belgilab oling. Umuman olganda, ushbu kitobni o‘qiyotganingizning o‘zi yaxshi belgi. Demak, siz ta’lim va bilim olishga jiddiy yondashasiz. Talabaligimda bizga buni doim eslatib turishardi va ko‘proq narsa o‘rganish, bilim to‘plash uchun ko‘p mehnat qilganman.
Bizga yana shuni aytishardiki, (buni ancha keyin angladim) donolik ikki omilning o‘zaro ta’siri natijasida shakllanadi: tajriba va bilim. Bu ikkisini o‘rgatib bo‘lmaydi, ularga inson o‘z kuchi bilan erishadi.
Hozir vaziyatni tezda baholash qobiliyatim orttirgan tajribalarim natijasi o‘laroq, donolikning namoyon bo‘lishi ekanini tushunaman. Boshqacha qilib aytganda, sezgi hissingizga ishonishingiz mumkin, chunki muvaff aqiyatli «ma’lumotlar bazasi»ni yaratib bo‘lgansiz. Bu donolikni sizga berolmayman. Unga o‘zingiz erishishingiz lozim, ammo ushbu maslahatlar o‘z vaqtida menga yordam bergan va ularga e’tibor qaratgan ma’qul.
Donolik tomon yana bir yo‘l – buyuk insonlar va sizni qiziqtirgan soha yetakchilarining hayoti haqida o‘qish. Uinston Cherchill, Avraam Linkoln va jahon tarixida yetakchi rol o‘ynagan kishilar haqida o‘qib, ko‘p narsalarni o‘rgandim. Ular hayot oldilariga qo‘ygan vazifalarni bajarishga yuqori darajada tayyor bo‘lishlari kerak edi. Ularning taqdirlari ko‘pincha tasodif, tarixiy ongga bog‘liq edi, ammo ular vaziyatdan ajoyib tarzda chiqib ketish uchun yetarlicha tajriba va bilimga ega edilar. Minglab, hatto millionlab kishining hayoti sizning harakat va qarorlaringizga bog‘liq bo‘lishini faraz qilib ko‘ring va ana shu kishilar yelkasiga qanchalik katta mas’uliyat yuklanganini bir tasavvur qiling. O‘z muammolaringiz sizga kichik bo‘lib tuyuladi va bu sizga tafakkur maydoningizni kengaytirishga, majburiyatlar va professionallik nima ekanini yaxshiroq tushunishga yordam beradi.
Esimda, maktab paytlari tasavvurimdagi dunyoga ikki narsa – urush va tabiat kuchli ta’sir qilishini tushunib yetganman. Tabiat xuddi urush kabi katta qudrat. Urush siyosiy va madaniy maydonni o‘zgartirsa, tabiat geografik maydonni o‘zgartiradi. Shu sabab janglar va ularning sivilizatsiyaga ta’sirini o‘rganishga ko‘p vaqt sarfladim. Bu katta ish va men ham mutaxassis emasman, ammo bugungi vaziyatga qanday yetib kelganimizni tushunish uchun biroz vaqt sarflagan ma’qul.
Biznes va boshqaruv strategiyasi nuqtayi nazaridan juda qiziq bo‘lgan Sun Szining «Jang san’ati» kitobini tavsiya qilaman. Taxminlarga ko‘ra, eramizdan avvalgi VI asrda yozilgan bu kitob harbiy strategiyaga bag‘ishlangan. Asar ko‘p asrlar mobaynida hukmdorlarga o‘z ta’sirini o‘tkazib kelgan. Bu kitobni boshqa mashhur qo‘mondonlar kabi General Duglas Mak-Artur ham o‘qib chiqqan. Sizga bu biznes-maktab o‘qituvchisining noodatiy tavsiyasidek tuyulishi mumkin, ammo ishoning, unday emas. Bu juda qimmatli va zamonaviy asar.
Yana bir mashhur asar – Makiavellining «Hukmdor»ida urush yoki biznes haqida emas, siyosiy ziddiyatlar, yetakchining xususiyatlari to‘g‘risida so‘z boradi. Ammo hukmronlik tushunchasining ta’rifisalbiy tusga yo‘g‘rilgan. Axloq va haqiqatparvarlik maydondan chiqarilgan, shu sababli Makiavellining asari bugun salbiy tusga ega. Maslahatim: yaxshisi «Jang san’ati»ni o‘qing.
Donolikka olib boruvchi yo‘llar va kitoblar ko‘p. Ishonchim komilki, bu borada o‘z xohish va tanlovlaringiz paydo bo‘ladi, faqat birinchi qadamni bosish hamda kitob o‘qish va uning mazmunini idrok qilish uchun vaqt ajratish kifoya. Natijada siz vaqtdan ancha yutasiz. Chunki jiddiy sinovlardan g‘olib bo‘lib chiqqan kishilardan ta’lim olasiz. Yodda tuting: sizga birinchi navbatda bilim va tajriba zarur. Donolik uning shakllanishi uchun sharoit yaratganingizdagina paydo bo‘ladi. Boshidan boshlang va davomidan hayratga tushasiz. Donolik sizning shaxsiy yutug‘ingizga aylanadi.
QANCHA KO‘P BILSANG, BILIMLARING KAMLIGINI SHUNCHA YAXSHI TUSHUNASAN
Bugungi kuningni tushunishni istasang, kechagi kundan boshla.
Perl Bak
Bir do‘stim tarixni o‘rganardi. U Ikkinchi jahon urushi voqealarini o‘rganishga ko‘p vaqt sarfladi. Unga endi bu borada katta mutaxassisga aylangani haqida gapirganimda, do‘stim shunday javob berdi: «O‘rganishda faqat ko‘p narsani bilmasligimni tushundim. Ikkinchi jahon urushi mazmunini tushunish uchun Birinchi jahon urushi voqealariga qaytish kerak. Shu sabab Birinchi jahon urushini o‘rganishga kirishdim va ishonchim komilki, uning sabablarini bilish uchun yanada chuqurroq kirishga to‘g‘ri keladi. Shu tarzda cheksiz davom etadi». Do‘stim haqiqiy olim bo‘lib chiqdi. Uning aytishicha, tarixni o‘rganishga qanchalik jon jahdi bilan mehnat qilmasin, hech qachon hamma narsani bila olmasligini tushunishga yordam berdi.
Do‘stimning qanchalik ko‘p narsani bilmasligi va har yangi ma’lumot yana boshqasini qidirishga undayotganligi haqidagi so‘zlari bir umrga yodimda qoldi. U hurmatga sazovor tarixchiga aylandi, ammo sizni ishontirib aytishim mumkinki, erishgan yutuqlarida to‘xtab qolgani yo‘q. Olimlik mehnati unga o‘rgatgan sabr hamon yosh bo‘lib qolishga, o‘zgalar ko‘zida qanchalik dono bo‘lmasin, yana yangi bilimlarni egallashga undamoqda. U abadiy tolibi ilmning ajoyib namunasi: unda har kuni yangi narsani o‘rganish imkoni paydo bo‘ladi.
Ba’zan biz muvaff aqiyatga erishishga shunchalik intilamizki, eng muhim narsalarni yoddan chiqaramiz. Faqat moddiy emas, balki ma’naviy qiymatlar ham muvaff aqiyatning asosi bo‘lishi lozim. Biz o‘z mamlakatimiz va boshqa davlatlar tarixi va madaniyatini bilishimiz, hech qachon «madaniy vakuum»da yashamasligimiz kerak.
Bir kishi «Tarixni bilmaslik xuddi daraxtdagi barg bo‘la turib, daraxtning bir qismi ekaningni anglamaslik» degan edi. Qiziq o‘xshatish, afsuski, ko‘pchilikka taalluqli. Biz ta’limimiz uchun o‘zimiz javobgarmiz, va bu faqatgina talabalarga taalluqli emas.
Sizningcha, men bu masalada o‘ta keskinmanmi? Siz haqsiz. Savodsizlikka bor-yo‘g‘i fe’l-atvorning bir xususiyati sifatida qarashlarida biror ma’ni ko‘rmayman. Har bir kunni shunday savol bilan boshlashimiz kerak: bugun qanday yangi narsani o‘rganish mumkin? Bu ongingizni yangi ma’lumotlar uchun ochib, aqliy kapitalingizni shakllantirishga yordam beradi. Bugun axborot barcha uchun erkin bo‘lgan bir sharoitda hayotingizni bilimlar yo‘qligi yoki kamligi bilan cheklashdan ma’ni ne?
Tarixni o‘rganish qiziq, sababi shunda biz ham tarixning bir bo‘lagi ekanimizni tushunib yetamiz. Tarix faqat o‘tmish emas, shu zamon va makonda sodir bo‘layotgan barcha hodisalardir. Agar hammasi qanday boshlanganini bilmasak, nimalar bo‘layotganini qanday tushunamiz? Dunyo siz tug‘ilgan kunda boshlanmagan va siz bilan birga o‘lmaydi. Ammo bu siz uning bir bo‘lagi emassiz degani emas.
Keling, daraxt bargi tashbehiga qaytamiz. Masalan, siz barg ekaningizni aniq bilasiz, ammo qaysi daraxtda ekaningizni bilolmaysiz. Men sizga aytsam bu qanday daraxtligini bilib olsangiz, yomon bo‘lmasdi. Bu qiyin emas. Xuddi «Shogird» shousida ishtirokchilar vazifaga kirishishdan avval kerakli ma’lumotlarni qidirishlariga o‘xshaydi.
Bir kuni yevropaliklar amerikaliklar o‘z ildizlarini bilmasliklari haqida gapirishdi. Shubhasiz, yevropaliklarning ildizi chuqur tarixga borib taqaladi va ularni aniqlash ancha oson, bizning ajdodlarimiz esa turli mamlakatlardan kelib chiqqan. Bu so‘zlar meni o‘ylantirib qo‘ydi va ular ko‘p borada haqliklarini tushundim. Onamning ajdodlari kelib chiqishi Shotlandiyaga borib taqaladi. Shu sababdan yaqinda u yerda bo‘ldim, u qoldirgan madaniy merosni o‘rgandim. Golfga bo‘lgan muhabbatim ham shundan bo‘lsa kerak – uni shotlandlar o‘ylab topishgan.
Menga bu mamlakat haqida yangi narsalarni bilish yoqishini angladim: bilimlar dunyoqarashim va ishbilarmonlik bilan bog‘liq qiziqishlarimni oshiradi. Shotlandiyaning Aberdinesida ajoyib golf maydoni quryapman. Mamlakatga borishdan va undagi odamlar va madaniyat bilan tanishishdan katta taassurot oldim. Albatta, men bilmagan narsalar hali ko‘p va bu, shubhasiz, o‘z ortidan qiziqarli voqealar va kelishuvlarga olib keladi.
Maslahatimni qulog‘ingizga iling, o‘ta bilag‘on bo‘lmang. Birinchidan, hamma narsani bilishning imkoni yo‘q. Ikkinchidan, qizig‘i yo‘q – sizga ham, boshqalarga ham. O‘z kengliklaringiz va ular bilan birga o‘z kapitalingizni cheklamagan holda, keng fikrlash zarurligini unutmang. Aynan shu katta muvaff aqiyatdir.
CHEMPIONLAR KABI FIKRLA
Inson o‘zi uchun tanlashi mumkin bo‘lgan eng yaxshi yo‘l – o‘zi qodir bo‘lgan eng yuqori natijaga erishishdir.
Aristotel
G‘olib bo‘lib tug‘ilish ham, g‘olibga aylanish ham mumkin. Ta’riflardan biriga ko‘ra, g‘olib bu aniq ustunlikni namoyish qilayotgan kishidir. Boshqa ta’rifga ko‘ra, g‘olib bu musobaqada birinchi o‘rin olgan yoki asosiy mukofotni qo‘lga kiritgan kishi. Barchamiz olimpiya chempionlari to‘g‘risida eshitganmiz va ehtimol, televizorda ko‘rganmiz. Bu odamlarning aql bovar qilmas yutuqlariga baho berayotganimizda xayolimizga birinchi keladigani sanoqsiz mashqlar, qurbonlar va yutuqqa erishish uchun ular ko‘rsatgan jasorat keladi. Bu chempionlarga xos bo‘lgan xususiyatlarning bir nechtasi, xolos.
Bundan tashqari ular aql bovar qilmas natijalarga erishishni istashgan. G‘oliblar kabi fikrlaydigan kishiga «hamma kabi» bo‘lish to‘g‘ri kelmaydi. Chempionlar keng ko‘lamli fikrlaydilar. Keng ko‘lamli ishlaydilar.
Ular qat’iyatli va tartibli. Bu haqda o‘ylab ko‘ring: g‘oliblar chempionlar kabi fikrlaydi. Jek Jempsi[4 - Jek Jempsi – amerikalik bokschi, o‘ta og‘ir vazndagi jahon chempioni] aytganidek: «Chempion bu kuchi qolmaganda ham o‘rnidan turadigan insondir». Umid qilamizki, bu gap sizga ham taalluqli.
Ba’zan kunim juda og‘ir o‘tganida hayotim poygaga o‘xshashini va uning oxirigacha yetib olishga kuchim yetsa edi, deya o‘ylab qolaman. Bardoshni mashq qildirish mumkin, chunki mag‘lub sifatida qolib ketishni istamayman. Mashhur tennischi Billi Jin King shunday degandi: «G‘oliblar zimmalariga mas’uliyat oladilar. To‘p to‘r oralab men tomonga uchganida, ishonchingiz komil bo‘lsin: uni urishni istayman». Tennischi nima deyotganini tushunaman, chunki o‘zim ham shunday o‘ylayman.
Har yili «U.S. Open» o‘yiniga lojaga chipta olaman. Menga chempionlar g‘alaba tomon olg‘a intilishlarini tomosha qilish yoqadi. Har qanday sohada – sport, san’at va boshqalarda o‘z ishining ustalarini kuzata turib, ko‘p narsani o‘rganish mumkin. Bu odamlarning barini yakdil fikrlash tarzi birlashtirib turadi: ular g‘oliblikka erishishni istashadi va eng yaxshi bo‘lishga intilishadi. Ikkinchi va uchinchi ham emas – faqat birinchi. Bu o‘ylab ko‘rishga arziydi. O‘ta iqtidorli kishilar mag‘lubiyatga uchrashganini ko‘rganman, fikrimcha, qalbining tubida ular g‘alabadan cho‘chishgan. G‘alaba mas’uliyatni talab etadi va chempionlar bu borada o‘sib boradilar. Qalbingizni taftish qiling va mas’uliyatni zimmangizga olish uchun tayyor va qodir ekaningizga ishonch hosil qiling. Agar qo‘lingizdan kelmasa, o‘z ustingizda ishlang. Mas’uliyatli bo‘la olish muvaff aqiyatning muhim qismidir.
Ko‘pchiligingiz golf o‘ynashimni bilasiz. Doim golf intellektual o‘yin ekanini aytaman va bu rost. U jiddiy texnik ta’minotni va ma’lum bir mahoratni talab etadi. Golfni befarqlik bilan o‘ynab, yaxshi natijani kutib bo‘lmaydi. Diqqat va sabr bilan o‘ynash kerak. Afsonaviy golf o‘yinchisi Bobbi Jons shunday degandi: «Golfda bir urishda faqat bitta zarba berish mumkinligi yangilik va hayron qolarli narsa emas, ammo buni tushunish uchun menga ko‘p yillar kerak bo‘ldi». Odatiy hayotda har kuni mashaqqat bilan ishlaganimiz, har soniya ishga chempionlik bilan yondashganimiz sababli g‘alabalarga erishamiz.
Keling, Aristotelning ushbu bobga epigraf sifatida tanlangan iborasiga to‘xtalib o‘taylik. Bu o‘z-o‘zini yuqori darajada tahlil qilishdir. Darhaqiqat, qodir bo‘lganingiz qadar yuqori natijaga intilish inson uchun eng yaxshi yo‘l. Oldimizga kichik maqsadlar qo‘yishdan ne naf? Biror marta yosh boladan katta bo‘lganida hech kim bo‘lishni istamasligi haqida eshitganmisiz? Yo‘q, go‘dak qalbi orzu va maqsadlarga to‘la, kamdan kam hollarda oddiygina istaklar bilan cheklanadi. Bolalar prezident, kosmonavt, olim va shifokor bo‘lishni orzu qilishadi. Ular to‘g‘ri fikrlaydilar. Xayolan o‘z oldingizga katta maqsadlar qo‘ygan paytlaringizga qaytishga urinib ko‘ring. Har kim ham jahon chempioni bo‘la olmas, ammo har kim o‘zi qodir bo‘lgan eng yuqori natijaga intila oladi. Bu ilk qadam va har kunlik majburiyatdir.
Chempionlar har ishni o‘z kuchlaridanda ziyoda qilib bajaradilar. Hammamiz qachon yetarlicha ish qilganimizni-yu, qachon bor kuchimizni bag‘ishlaganimizni yaxshi bilamiz. Har kuni bor kuchingiz bilan ishlashga harakat qiling. O‘zingizga boshlash imkonini bermaganingiz sabab mag‘lub bo‘lmang. Mas’uliyat darajasi o‘ta kattadek tuyulgani uchungina muvaff aqiyatdan cho‘chimang. Diqqatni bir joyga jamlang va olg‘a! Oqilona harakat olib keladigan natijalardan hayron qolasiz. Aleksandr Grem Bellning[5 - Aleksandr Grem Bell – amerikalik va kanadalik olim, «American Telephone and Telegraph Company» kompaniyasi asoschisi, AQSh telekommunikatsiya sohasining rivojini belgilab bergan inson.] bir iborasini hech qachon unutmayman: «Hozir qilayotgan ishingizga butun diqqatingizni qarating. Quyosh o‘z nurlarini linzaning markazida yig‘mas ekan, hech nimani yondira olmaydi». Shuni yodda tuting, chempionlar kabi fikrlashni o‘rganing va chempionga aylaning.
O‘Z ISHIMGA SAN’AT KABI YONDASHAMAN
San’at – bu yolg‘on, ammo bu yolg‘on bizni haqiqatga yetishishga o‘rgatadi.
Pikasso
Pikasso nafaqat buyuk rassom, balki yaxshigina tadbirkor ham bo‘lgan. U o‘z ishining qadrini bilgan va hech qachon bahonalar to‘qimagan. O‘zining hikoya qilishicha, kunlardan birida uning ustaxonasiga bir kishi kelib, suratlaridan birini tomosha qildi va so‘radi: «Bu surat qanday ma’noni anglatadi?». «Ikki yuz ming dollar», – javob berdi rassom. Bu mubolag‘asiz javob. Aniqki, Pikasso o‘z san’atini biznes sifatida ko‘rgan va bu asossiz emas. O‘z biznesimga san’at sifatida qarayman. O‘z ishingizga shunday yondashing.
Mana nima uchun san’at kishilari o‘z ideallariga, ilhom parisiga va detallaridagi mukammallikka sodiqligi bilan mashhur. Bu ajoyib fazilat. U kerakli natijaga erishish uchun yaxshi turtki bo‘la oladi. Yaqinda kutubxonalardan birida Betxovenning qo‘lyozmasi topildi. Unda shunchalik ko‘p chizgilar va tuzatishlar bor ediki, qog‘ozning ba’zi yerlari teshilay degandi. Bu ish kompozitor hayotining so‘nggi yillariga to‘g‘ri keladi. Demakki, bu paytda u musiqa yozishda tajribasiz emas edi. Bu buyuk inson – faqat eng yaxshi ishni yaratishga intilgan perfeksionistning ishlashi edi. Unga hech kimning tasdig‘i kerak emas – faqat o‘ziniki yetarli edi. Bu biznesmen uchun ham, musiqachi uchun ham ishga yondashishning ajoyib usuli.
Eng yaxshi natijaga erishish uchun o‘zingizdan ham o‘zishga harakat qiling.
Tadbirkorlarning fikrlash tarzi shunday: raqobat ularning darajalarini pasaytirishi mumkinligini biladilar. Qanchalik yoqimsiz bo‘lmasin, bu – haqiqat. Qarashlaringizda sobit bo‘ling. Pikasso, shubhasiz, har narsada o‘z qarashiga ega edi. O‘ziga xos shaxs bo‘lishdan cho‘chimang.
Keling, Pikassoning san’at yolg‘onligi haqidagi so‘zlariga qaytamiz. Bir tomondan qaraganda, san’at ko‘pincha murakkabni soddalashtiradi. Polotnoga rang berish qiyinmi? O‘ylab qarasak, unchalik ham qiyin emasdek. Ammo bundan nima paydo bo‘ladi? Matoga bo‘yoqni alohida usulda surish ancha mushkul, ayniqsa, natijasi qanday chiqishi kerakligini bilsang. Birinchi kitobim «Kelishuvlarga erishish san’ati»ni aynan shu sababdan shunday ataganman. Biznesga aloqasi bo‘lgan har kim muzokaralar o‘tkazish va kelishuvni imzolash katta tayyorgarlik talab etishini biladi, bu tayyorgarlikni qanday bajarishimni hech kim ko‘rmaydi, ammo buni qilmayman degani emas. Mehmonlar «Trump Tower»dagi sof marmarga qaraganlarida hashamatdan ko‘zlari qamashadi, ammo odatda bu yuksaklikka shaxsan mening qancha mehnatim ketganini bilishmaydi ham. Go‘zallik yoki san’at talab etadigan ter, qon va ko‘zyoshlar hech kimni qiziqtirmaydi. Faqat natijagina muhim.
San’at reprezentativdir. Boshqacha qilib aytganda, bu hayotning o‘zi emas, in’ikosidir. San’at turmush tashvishlari bizdan to‘sib qo‘ygan haqiqatni ko‘rsatishi mumkin. U bizga o‘z aksimizni ko‘rsatadi. Kelishuvlarim – tadbirkor sifatidagi topqirligimning aksidir. Rassom kabi serqirra, keng ko‘lamli yondashuvga intilaman. Ushbu yondashuvni o‘zingizga qurol qilib oling va tez-tez foydalaning. Nima bilan shug‘ullanishingizdan qat’i nazar bu sizga ko‘p narsalarni o‘rgatadi.
Quruvchining ishi – bir paytda ham hunar, ham san’atdir, bundan kamiga rozi emasman. «Trump Tower»ni qurishda kamyob marmar turidan foydalanishga majbur emasdim, ammo sifatdagi farq yaqqol bilinishini tushunardim. Shu sababdan o‘z ishimni san’at deb bilaman, deganimda ishonchingiz komil bo‘lsin. Rassom bo‘yoqlar va umumiy tasvir borasida qanchalik injiq bo‘lsa, men ham shundayman. Agar siz ham shunday yo‘l tutsangiz, o‘ylaymanki, yangi darajangiz o‘zingizni ham hayratga soladi.
O‘zingizga yuksak baho bering. Hayot – bu san’at, tadbirkorlik ham. Shunday ekan, bir rassom kabi nimalarga qodir ekaningizni ko‘rsating.
TIZIMLI FIKRLASHNI O‘RGANING
Men bugun kechagidan ko‘ra aqlliroq bo‘lmagan kishi haqida yaxshi fikrda bo‘la olmayman.
Avraam Linkoln
Tajriba faqat o‘rganishni istaganlarni o‘qitadi.
Oldos Xaksli
Har tomonlama ta’lim qaysidir ma’noda muvaff aqiyat nuqtayi nazaridan muhim bo‘lgan masalalarda bilim ortiqchaligi va taqchilligi o‘rtasidagi chegarani yo‘qotadi. Yaqinda bunga ishonch hosil qildim: o‘z kasbi bo‘yicha keng bilimga ega bo‘lgan va suhbatda ko‘tarilgan boshqa mavzular haqida deyarli hech narsa deya olmaydigan yigit bilan suhbatlashdim. Uning idroki tunnelli tizim kabi tasavvur uyg‘otardi, garchi professionallik darajasi meni qontiqtirgan bo‘lsa-da, korxonalarim ish hajmini hisobga olgan holda u lavozimga yaxshi nomzod emas deb hisobladim. Chunki uning qiziqishlari juda tor edi. Bu voqea menga navbatdagi bob uchun mavzu topib berdi. O‘ylaymanki, har biringiz bu haqda o‘ylab ko‘rishingiz kerak, sababi o‘qiyapsiz va tez orada o‘z professional yo‘lingizni boshlaysiz yoki ish faoliyatingizni boshlab bo‘lgansiz.
Конец ознакомительного фрагмента.
Текст предоставлен ООО «Литрес».
Прочитайте эту книгу целиком, купив полную легальную версию (https://www.litres.ru/book/donald-tramp/biznes-va-hayotda-norasmiy-ta-lim-68991175/chitat-onlayn/?lfrom=390579938) на Литрес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.
notes
1
Magnat – davlat boshqaruvida iqtisodiy ta’sir kuchiga ega badavlat tadbirkor.
2
Do‘konlar peshtaxtalarining pastki qatorlariga talabgir bo‘lmagan mahsulotlar joylashtiriladi.
3
Rosh Xa-Shana – yahudiylarning yangi yil bayrami.
4
Jek Jempsi – amerikalik bokschi, o‘ta og‘ir vazndagi jahon chempioni
5
Aleksandr Grem Bell – amerikalik va kanadalik olim, «American Telephone and Telegraph Company» kompaniyasi asoschisi, AQSh telekommunikatsiya sohasining rivojini belgilab bergan inson.
Donald Tramp
O‘zingiz va ishingizga sodiq bo‘lish katta qadriyatdir. Unutmang: qadriyatlarni himoya qilish zarur. O‘z fi krlaringizda qattiq turish oson, deb sizga hech kim, hech qachon aytmaydi, lekin ishonchim komilki, bu zarur. Qolgan narsalarga kelsak, nima qilayotgani ngiz va kim uchun qilayotganingizni qat’iy aniqlab oling. Shunda ertami, kechmi har turli ma’nodagi boylikka eri shasiz.
Donald Tramp
Biznes va hayotda norasmiy ta’lim
SO‘ZBOSHI
Donald bilan ishlashning afzalliklaridan biri uni kundalik hayotda kuzatish imkonidir. Tanishganimizdan buyon yillar davomida haqiqiy Donaldni ham, mashhur Donaldni ham o‘rgandim va ikkisi ham bir inson ekanini tushundim. Hayotdagi Donald ommaviysidan ancha zalvorli va ahamiyatliroqdir.
U bilan birga ishlar ekanman, uning qanday fikrlashiga, fikrlari so‘zlarga, so‘zlari harakatga aylanganiga guvoh bo‘ldim. Aksar hollarda bu insonning fikrlari, so‘zlari va amallari bir-birini mantiqan davom ettiradi. Balki, shu sababdan ham u dangal va cho‘rtkesarroq. Uning fikrlari, so‘zlari va amali bir butunlikni hosil qiladi, aynan shuning uchun ham Donald dangal.
Ko‘pchiligimizning bir o‘zi uch xil kishiga o‘xshaydigan tanishlarimiz bor. Ular bir narsani o‘ylashadi, boshqasini gapirishadi, amalda esa uchinchi ishni qilishadi, xatti-harakatlari o‘y-xayollariga ham, so‘zlariga ham umuman to‘g‘ri kelmaydi. Bunday odamlar muvaff aqiyatga erishganlariga qaramay, butunlay qarama-qarshiliklarga to‘la hayotda yashashlarini ko‘rganman.
1980-yillarning boshida ilk katta biznesimni yo‘qotdim. Boridan ayrilish hammamizning tasavvurimizdagi kabi juda yomon edi. Hamma narsamni yo‘qotdim va o‘zimni omadsiz sanay boshladim. Eng katta yo‘qotish o‘z kuchimga bo‘lgan ishonchni yo‘qotish edi. Nima qilish kerakligini bilar, ammo ayrim sabablarga ko‘ra qilmasdim. Keyingi o‘n yil mobaynida o‘z ustimda olib borgan ishim o‘z o‘y-fikrlarim ustidan boshqaruvni egallashga qaratildi. Yana to‘g‘ri fikrlay olish uchun buyuk insonlar fikrlarini o‘qib, eshita boshladim. Biznes bilan bog‘liq hayotim sekin, ammo to‘g‘ri rivojlana boshladi va yana g‘alabaga erisha boshladim.
1987-yilda fond bozorining qulashidan so‘ng qo‘limga Donald Trampning «Kelishuvlarga erishish san’ati» kitobi tushdi. Uni o‘qish uchun rafiqam bilan barcha ishlarni yig‘ishtirib qo‘ydik. Atrofimizdagi olam ag‘dar-to‘ntar bo‘layotgan bir paytda biz Donaldning so‘zlari va harakatlari orqali biznes olamini ko‘rish imkoniga ega bo‘ldik. 1994-yilga kelib, rafiqam bilan to‘liq moliyaviy erkinlikka erishdik. Bo‘sh vaqtimizda u bilan Donaldning kitobi bizni qanday ilhomlantirgani, atrofimizdagi betartiblikka qaramay olg‘a intilishga undaganini tez-tez eslaymiz.
1997-yilda Donaldning «Qaytish san’ati» («The Art of the Comeback») kitobini o‘qir ekanmiz, buyuk insonning o‘y-fikrlariga quloq tutayotganimizga amin bo‘ldik. Hamma ham haqiqatni ochiq ayta olmaydi, o‘z xatolari, saboqlar va tuganmas urinishlari haqida yozishga undan-da kamrog‘i tayyor.
2004-yilda Kim ikkimiz Donald bilan ilk bor uchrashdik. Albatta, biz tanish emasdik, ammo u juda xushmuomala edi va biz unga kitoblari orqali fikrlari bilan bo‘lishgani uchun minnatdorlik bildirdik. 2006-yilning oxirida Donald ikkimiz «Biz nima uchun boy bo‘lishingizni istaymiz?» nomli kitobni chop etdik.
Odamlar taqdiriga qiziqish va ular bilan o‘z bilimlarimizni ulashish istagi Donald ikkimizni bu kitobni yozishga undadi. Asarda 2008-yilda butun dunyoga xavf solgan moliyaviy inqirozni ham taxmin qilgandik.
Bu kitobga so‘zboshi yozish men uchun katta sharaf, chunki Donald rafiqam ikkimizni chempionlar kabi fikrlashga o‘rgatib, bizga katta sovg‘a ulashdi. Bu sovg‘a butun dunyoga atalgan… u puldan ham qadrliroqdir.
Robert Kiyosaki
KIRISH
Hayotimda muvaff aqiyatga intilgan ko‘p insonlarni ko‘rdim. Men ham ulardan biriman. Cho‘qqiga chiqishimga hali ancha uzoq bo‘lsa-da, salmoqli natijaga erishishga ulgurdim. Shu tufayli menga muvaff aqiyat «sirlari» haqida ko‘p savol berishadi. Bu borada qandaydir sirlar bor deb o‘ylamayman, ammo har birimiz bizga yordam beradigan allaqanday formulani qo‘lga kiritishni istaymiz.
Ushbu kitobda, nazarimda, inson muvaff aqiyatga erishishi uchun fikrlarini ma’lum bir yo‘nalishga yetaklovchi g‘oyalar yig‘ilgan. Menga ularning foydasi tekkan. Bu asosiy qoidalarim va ularni hayotga tatbiq qilishning usullarini ochib beruvchi chuqur, mulohazali tomonimdir. Ommaviy axborot vositalari orqali yaratilgan obrazim bu aloqaga kirishuvchan, o‘ziga ishongan, ba’zan surbet, ammo odatda to‘g‘riso‘z inson. Ko‘pchilik cho‘rtkesar va dangalligim uchun yoqtirishmaydi. Ammo muhim bo‘lmagan narsalarni chetga surib, asosiy maqsadga tez erisha olganim uchun muvaff aqiyatliman.
«Yetakchilik» kitobim hayotga va biznesga aynan shunday yondashuv namunasidir. Odatda, muammoni topib, uni o‘rganib chiqaman, qismlarga ajrataman va shu kabi har qanday masalani hal etishga qodir formula yarataman.
Har doim masalani puxta o‘rganishga vaqt va kuch sarflashdan qochmayman, uning tubiga yetib, o‘ziga xos va samarali yechimni taklif qilishda chuqur tahlil qilaman. Maktab davrimda otam Fred K. Tramp har hafta menga mashhur odamlarning ilhomlantiruvchi iqtiboslarini yuborardi. Iqtiboslarning ko‘pi yetakchilik, hayotda qanday qilib g‘oliblikka erishish haqida edi. Ular menga ko‘p narsani o‘rgatdi va hali ham bu so‘zlarga murojaat qilaman. Shuning uchun ularni siz uchun bu kitobga kiritdim. Hayotimda otam kabi ustoz nasib etdi va umid qilamanki, uning iqtiboslar to‘plami sizga ham foydali bo‘ladi. Bu kitobni otamga bag‘ishlayman, chunki o‘rgatganlari uchun undan minnatdorman. Kitobda to‘plangan fikrlar sizga to‘g‘ri yo‘l ko‘rsatadi va ilhomlantiradi, deb umid qilaman.
OCHERKLAR, QADRIYATLAR VA STIVEN KING HAQIDA
Biz bilan qanday o‘yinlar o‘ynashmasin, o‘zimiz bilan o‘yin o‘ynamasligimiz kerak.
Ralf Uoldo Emerson.
«New York Times Book Review»ning 2007-yil 30-sentabr sonida Stiven Kingning zamonaviy hikoyanavislikka bag‘ishlangan ocherki chop etildi. Siz Stiven King sermahsul va muvaff aqiyatli yozuvchi, oltmishta kitob va to‘rt yuzta hikoya muallifi ekanini bilsangiz kerak. 1996-yilda uning hikoyalaridan biri O’ Genri mukofotiga sazovor bo‘lgan. King ocherkida novella yoki zamonaviy qisqa hikoya fenomenini tahlil qilar ekan, u o‘ta mustaqil va o‘quvchilardan ko‘ra ko‘proq noshirlar va tanqidchilar uchun yoziladi, degan xulosaga keladi. Ushbu chuqur mulohaza meni o‘ylantirib qo‘ydi: nima uchun yozyapman va kitobimni kim o‘qiydi?
Qisqa ocherklarni yoqtiraman, shunday ekan aytish mumkinki, novella prozada o‘ylab topilgan janr deb hisoblanishiga qaramay, novellaga ma’lum bir aloqadorligim bor. Novella oddiy janr emas, har qanday yozuvchi bu fikrga qo‘shiladi, chunki unda muallif kamgap bo‘lishi kerak. Ocherklar haqida ham shunday deyish mumkin, ular xuddi shunday lo‘nda va bir mavzu bilan cheklangan. Stiven Kingning ocherkini o‘qib, u o‘z fikrlarini bor yo‘g‘i bir sahifada mukammal ifoda eta olishini tushunasiz. Uning ishiga baho berishim uchun Stiven King bo‘lishim shart emas. Men har kuni shug‘ullanadigan faoliyat murakkabligini tushunish uchun esa siz ham magnat[1 - Magnat – davlat boshqaruvida iqtisodiy ta’sir kuchiga ega badavlat tadbirkor.] bo‘lishingiz shart emas.
Stiven Kingning aytishicha, bugungi kunda qisqa hikoyalar bozori juda tor, shuning uchun yozuvchilar har qachongidan ham ko‘proq taassurot qoldirishga intilishadi, ammo yoqimli mutolaa istagida bo‘lgan o‘quvchilarga emas, balki hikoyalarini chop eta oladigan noshirlarga. Men sizga aytsam bunda ham mantiq bor. Qay sohada ishlamaylik, har birimizning o‘z auditoriyamiz bor, demografik jihatlarni ham inobatga olish zarur.
Stiven Kingning ta’kidlashicha, zamonaviy novellachilar o‘z asarlarini ularni chop etish imkoni bo‘lgan insonlarga mo‘ljallab, shaxsiy qadriyatlarini himoya qilishadi. Haqiqiy o‘quvchi ikkinchi darajaga o‘tadi, chunki noshir birinchi o‘rinda bo‘lmas ekan, novella xoh mukammal, xoh o‘rtamiyona bo‘lsin, mushtariygacha yetib bormasligi mumkin. Bu oqilona yondashuv, ammo janob Kingning novellalar tor doiraga (ayni damda noshir va tanqidchilarga) mo‘ljallanganligi haqidagi nuqtayi nazarini ham tushunaman.
Aytaylik, turarjoy qurilishiga kirishishdan avval unda kim yashashi haqida o‘ylayman. Har qanday tadbirkor kabi demografik ko‘rsatkichlarni o‘rganaman. Loyiham haqida xabar topishlari uchun bozorda uning targ‘iboti bilan shug‘ullanishni istaydigan (yoki istamaydigan) kishilarni qiziqtira olishim kerak. Bugun nomim yetarlicha taniqli va sifatning oltin darajasi bilan shunchalik bog‘liqki, ko‘p gapirishimga to‘g‘ri kelmaydi. Tramp ismi o‘z-o‘zidan sifat kafolati demak.
Stiven Kingning fikricha, novellalar atay do‘konlar peshtaxtalarining pastki qatorlari uchun mo‘ljallanadi[2 - Do‘konlar peshtaxtalarining pastki qatorlariga talabgir bo‘lmagan mahsulotlar joylashtiriladi.]. Unga ko‘ra, Amerika novellanavisligi bugun hayot, ammo zaif. Va buning asosiy sababi chamasi, maqsadli bozorning tobora torayayotganida. O‘ylaymanki, King qisqa hikoyalarni o‘quvchi mutolaasi uchun emas, chop etilish uchun yozishlarini ta’kidlab, vaziyatni juda to‘g‘ri baholagan. Agar biror ishni qilayotib, allaqanday tanqidchilarga yaxshi taassurot qoldirishni maqsad qilganimda nafaqat o‘zimni, balki boshqalarni ham aldagan bo‘lardim. Bu meni yoqtirishlari va yoqtirmasliklarining ham sabablaridan biridir.
Aytgancha, «New York Times» tanqidchilaridan biri Gerbert Maschemp bir kuni aytishicha, tanqidchilar fikrini atayin inobatga olmagan chog‘larimda ularni inobatga olgan paytimdan ko‘ra ko‘proq muvaff aqiyatga erishar ekanman. Bu fikrga qo‘shilishga majburman va o‘ylaymanki, Stiven King novella haqida ham shu fikrni ilgari surish mumkinligini inkor etmaydi.
O‘zingiz va ishingizga sodiq bo‘lish katta qadriyatdir. Unutmang: qadriyatlarni himoya qilish zarur. O‘z fikrlaringizda qattiq turish oson, deb sizga hech kim, hech qachon aytmaydi, lekin ishonchim komilki, bu zarur. Qolgan narsalarga kelsak, nima qilayotganingiz va kim uchun qilayotganingizni qat’iy aniqlab oling. Shunda ertami, kechmi har turli ma’nodagi boylikka erishasiz.
INNOVATSIYALAR
Butun dunyo armiyasidan qudratliroq kuch – mavridi kelgan g‘oyadir.
Viktor Gyugo
Yangiliklarni ko‘pincha innovatsiya deb atashadi. Ko‘p hollarda yangilik bu eski tarkibiy qismlarning avval mavjud bo‘lmagan birlikka jamlanishidir. Nyu-Yorkdagi «Trump International Hotel & Tower» – ko‘p qavatli turarjoy va mehmonxonani bir binoga jamlash g‘oyasini taklif etganimda meni novator deb atashdi. Keyin bu qarorni milliy va xalqaro miqyosda ko‘p bor «aylantirishdi» (o‘zim va boshqa quruvchilar) va u juda muvaff aqiyatli bo‘lib chiqdi.
Menga bu fikr shunchaki oqilona bo‘lib ko‘rinadi, muhim kashfiyot qildim, deb o‘ylamayman. Lekin ortga nazar solar ekanman, shunday deb hisoblasam ham bo‘ladi, deb o‘ylab qolaman. Novatorlar va innovatsiyalar haqida maqolalar o‘qiganimda qanday qilib kashfiyotchi bo‘lish mumkinligi to‘g‘risida o‘ylayman va fikrimcha, bu haqida talabalar ko‘proq fikr yuritishlari kerak.
Stiv Rayx ismli kompozitor – «fazalash» nomini olgan g‘oya muallifi haqida eshitganman. Bu g‘oya avtomobil oyna tozalagichlarining goh musiqa ritmiga monand, goh monand bo‘lmagan ohangi bilan bog‘liq. Ehtimol, yomg‘irli kunlarning birida u tirbandlikka tushib qoladi, oyna tozalagichlarning tovushi uning e’tiborini tortadi va musiqiy kompozitsiya yaralishiga sabab bo‘ladi. Bu inson zamonaviy musiqaga katta ta’sir o‘tkazgan va novatorlikning yaxshi namunasini ko‘rsatgan. Ba’zan yangi g‘oyalar oyna tozalagichlar kabi juda oddiy va maishiy narsalardan tug‘iladi. Muhimi – detallarni ko‘ra olish, ong va hislarni yangi g‘oyalar uchun ochish.
Bir paytning o‘zida ikkita narsa haqida o‘ylash juda foydali. Buni ko‘p bosqichli diqqat deb atayman. Ikki g‘oyaning to‘qnashuvi natijasida innovatsiya yuzaga keladi: oyna tozalagichlar tovushini eshita turib, musiqa haqida, turarjoy va mehmonxona haqida o‘ylash yoki yumalab ketayotgan toshga qarab, g‘ildirakni tasavvur qilish. Bu nimalarga olib kelishini kim ham bilardi! Ba’zan bundan misli ko‘rilmagan ixtirolar paydo bo‘ladi, ba’zan esa yo‘q, ammo bu fikrlashning yangi kengliklarini ochadi va goho yaxshi meva beradi.
Kashfiyotchilik ko‘pincha to‘satdan sodir bo‘ladi. Shuning uchun yana bir yaxshi usul – ongning ta’sirchanligini rivojlantirishdir. Bu san’atda bo‘lganidek, biznesda ham muhim. Agar lavozim pillapoyasida ko‘tarilmoqchi bo‘lsangiz, odatiy, ratsional fikrlash bilan cheklanib qolmang. Ilk kitobim «Bitim tuzish san’ati» deb nomlanadi. Haqiqatan ham, kelishuvlarga san’at asariga yondashgandek yondashaman. Balki shuning uchun ham ular odatda muvaffaqiyatli bo‘lib chiqadi. O‘ylash va ishlash chog‘ida miyamning ikkala yarim shari ham ishlaydi.
π soni («pi» deb o‘qiladi) haqida eshitgan bo‘lsangiz kerak – bu aql bovar qilmaydigan son. Uni Pifagordan tortib Leonardo da Vinchigacha bo‘lgan turli mutafakkirlar qo‘llashgan va katta ehtimol bilan, piramida quruvchilari ham. Uzoq vaqt avval ixtiro qilingan π soni 3,1415926535 ga teng. Uni «Oltin kesim» deb atashadi. Agar ko‘proq ma’lumot olmoqchi bo‘lsangiz, Mario Livioning «The Golden Ratio» kitobini o‘qing, unda ko‘p tafsilotlar yozilgan. Menimcha, π raqamini ongli ravishda ishlatadigan odamlar bor, lekin bu haqda ong osti darajasida biluvchi, o‘z ishlarida ataylab emas, balki tasodifan ishlatadiganlar ham bor. U ko‘p hollarda ongli ravishda qo‘llaniladi. Ammo aniq fanlardan uzoq bo‘lgan ishlarda, tabiatda, masalan, dengiz mollyuskalarida yoki olis yulduzlarda, shuningdek, san’at asarlari va me’moriy yodgorliklarda «oltin kesim»ning qanday paydo bo‘lishi mutlaqo tushunarsiz. Sizning ixtirochilik harakatlaringiz hayotda mo‘jiza uchun joy borligini va unga tayyor bo‘lish kerakligini tushunishga yordam beradi.
Sizga faqat g‘ayritabiiylikka tayanishni maslahat bermayman: hayotiy muvaff aqiyat sog‘lom fikr va mashaqqatli mehnatni talab qiladi. Shunchaki, tushuntirib bo‘lmaydigan narsalarni rad qilmang – ular yangi g‘oya sari qadam bo‘lishi mumkin. Zero, biz yaratmaymiz, balki bir vaqtlar biz uchun yaratilgan narsalarni birlashtiramiz. Qiziqishlaringiz qanday bo‘lishidan qat’i nazar, zo‘r yig‘uvchi bo‘ling va ixtirochiga aylaning. Katta aql bo‘sh qolmasligi uchun juda ko‘p fikrlar va turtkilarga muhtoj, shuning uchun miyangiz doimo band bo‘lishini nazorat qiling. Bu siz uchun muvaff aqiyatli odamlar dunyosiga chipta bo‘lishi mumkin.
JAMOAVIY ISHNING AHAMIYATI
Birga yig‘ilish – bu boshlanish, birga qolish – rivoj, birga ishlash – muvaff aqiyat.
Genri Ford
O‘zim xususiy tadbirkor bo‘lsam-da, jamoada ishlash qanchalik muhimligini doim yaxshi bilganman. Global nuqtayi nazardan, barchamiz bir jamoa a’zolarimiz va birlashmasak, intilayotgan natijamizga erisha olmasligimiz mumkin. Bugun jamoa bo‘lib harakat qilish muvaff aqiyatga erishish va yashash uchun avvalgidan-da muhimroqdir.
Shu haqda o‘ylar ekanman, bir nechta ajoyib jamoaviy o‘yinchilar yodimga tushadi. Ko‘pchilik televideniye jurnalisti va yozuvchi Tom Brokouni yaxshi taniydi. U ko‘p mukofotlarni qo‘lga kiritgan, hamkasblari va keng jamoatchilik ehtiromiga erishgan. Esimda, «Shogird» shousi ekranlarga endi chiqib, mashhurlikka erisha boshlagan chog‘da (o‘sha haftada reytinglarda eng yuqori o‘rinni egallagan) meni Yankees o‘yiniga Jorj Steynbrennerning lojasiga taklif etishdi. Tom va uning go‘zal rafiqasi ham taklif etilgan mehmonlar qatorida edi. Tom yonimga kelib, yelkamni qoqib qo‘ydi va dedi: «Donald, «NBS» uchun qilgan ishlaring tahsinga loyiq. Biz sendan juda minnatdormiz».
Uning so‘zlari – jamoaviy ruhning ajoyib namunasi. Biz bu tarmoq uchun birgalikda ishladik va u menga qilgan ishlarim uchun tashakkur aytdi. «Ular» «biz»ga aylandi va u aynan nimani nazarda tutganini tushundim. Albatta, u taniqli odam, ammo bu dastur faqat o‘zining mehnati natijasi emasligini tushunadi. Dasturim ham faqat o‘zimniki emas. Darhaqiqat, yillar osha donolashib borar ekansiz, qilayotgan ishingiz o‘zingizgagina aloqador emasligini tushunasiz. «NBS»da sodir bo‘layotgan har bir hodisa Tomning e’tiboridan chetda qolmaydi, «Shogird» shousining muvaff aqiyati esa uning jamoasiga foyda keltiradi. Bu so‘zlar menga uning bir butun fe’l-atvor egasi ekanini namoyon qildi. Balki, shu tufayli ham uni kompaniyadagilar va undan tashqarida ham yaxshi ko‘rishar.
Yana bir voqea. Los-Anjelesda «Emmi» mukofotini topshirish chog‘ida sahna ortida turganimda yonimda «Will and Grace» serialidagi roli uchun mukofot va gulduros qarsaklarga sazovor bo‘lgan Debra Messingni ko‘rdim. Bu ayol menga doim yoqqan (balki, gap uning mayin sochlaridadir). U yonimga kelib, shoum muvaff aqiyati uchun menga muloyimlik bilan minnatdorlik bildirdi. Shunda qarshimda yana bir jamoaviy o‘yinchi turganini tushundim: uning seriali ham «NBS» kanalida efirga uzatilardi.
Oradan bir necha yil o‘tsa-da, juda yaxshi eslayman: bir kuni Jeff Suker xonamga kelib, «Saturday Night Live» dasturida qatnashishni taklif qildi. Meni ijobiy javob berishga majbur qilgan sabablardan biri bu shouning «NBS» kanalida efirga uzatilishi, men esa uning bir qismi ekanim edi. Jamoaviy ruhning g‘oyat katta ahamiyatini tan olmasdan iloj yo‘q va bu taklifga rozi bo‘lganimdan afsuslanmayman. Biz vaqtni mazmunli o‘tkazdik.
Ishonchim komilki, shaxsiy va professional hayotda jamoaviy ruhni qo‘llab-quvvatlash juda yaxshi, ba’zan esa kutilmagan natijalarga olib kelishi mumkin. Bundan tashqari, hamfikrlaring bilan bir yo‘lda borayotganingni bilish ajoyib his. Jamoa kuchiga munosib baho bering va uning asosiy ishtirokchisiga aylanasiz.
SHUKRONA KUNI
Ichimizdagi cho‘g‘ ba’zan so‘nib qoladi va boshqa inson tufayli yana alangalanadi. Har birimiz ichimizda olov yoqqan insonlarga nisbatan chuqur tashakkur hissini tuyganmiz.
Albert Shveyser
Mana, o‘n sakkiz yildirki, har yili Rosh Xa-Shanadan[3 - Rosh Xa-Shana – yahudiylarning yangi yil bayrami.] bir kun avval menga Los-Anjeles ravvinlaridan biri qo‘ng‘iroq qiladi. Yahudiy emasman, ammo qo‘l ostimda ko‘p yahudiylar ishlaydi, shu tufayli ularning urf-odatdari bilan tanishman va Rosh Xa-Shana bayramidan yahudiylarning yangi yili boshlanishini yaxshi bilaman.
Ravvinning qo‘ng‘irog‘i menda o‘zgacha his uyg‘otadi: ko‘p yillar avval erkak va uning ayoli o‘g‘illaridan ayrilishgan. Shunday bo‘lsa-da, o‘zlariga (va menga ham) hayotlaridagi shukronalarni yodga solish uchun har yili qo‘ng‘iroq qilishadi. Bu insonning xatti-harakatlari chin shukronalik namunasi. 1988-yilda ularning uch yoshli o‘g‘illari betob bo‘lib qoldi. Los-Anjeles shifokorlari kasallikni yenga olmadilar. Bir kuni bolakayning otasi menga qo‘ng‘iroq qilib, samolyotimdan foydalanishni so‘radi. Biz tanish emasdik. Otaning tushuntirishicha, hech bir aviakompaniya bolani ko‘chirishga rozi bo‘lmagan, chunki bemorning hayotini ta’minlab turish uchun maxsus qurilmalar kerak edi. Aviakompaniyalar buni juda xavfli deb topishdi. O‘sha paytda mening ham bolalarim hali go‘dak edi va darhol ravvinning iltimosini bajarishga rozi bo‘ldim. Axir, boshqacha yo‘l tutishim mumkinmidi? Nyu-York shifokorlari bolaning og‘ir o‘pka kasalligini yengishiga umid qilib, darhol samolyotimni jo‘natdim, so‘ng bola va uning ota-onasini Nyu-Yorkka eltib qo‘yishdi. Bolani qutqara olishmadi, lekin uning ota-onasi hali ham mendan minnatdor. Ularning minnatdorchiligi kaminani chuqur hayajonga soladi.
Bugun, mamlakatdagi ahvol og‘ir bo‘lgan bir paytda, ravvinning qo‘ng‘irog‘i menga og‘ir, ba’zan fojiali damlarda baxtsizliklar orasidan yaxshilik topishning yaxshi misoli bo‘lib tuyuladi. Bu oila va ularning fidoyiligi ajoyib namunadir va bu odamlarga buni eslatgani uchun rahmat aytmoqchiman. Barchamiz yangi yil, shukrona kuni yoki hayotimizning istalgan kunida minnatdor bo‘ladigan narsamiz borligini unutmasligimiz kerak.
BILIM – YANGI IBTIDO
Har qanday hokimiyat yoshlarga ta’lim berishdan boshlanadi.
Pifagor
Pifagor tafakkurga matematik hisob bilan yondashgan. U dono edi. Pifagor matematik va faylasuf edi va ilm ahamiyatini yaxshi tushunardi. Pifagor ancha yillar avval yashab o‘tganiga qaramay, ko‘p narsalar, masalan, ta’limning shaxs va jamiyatdagi ahamiyati hamon o‘zgarmagan.
Biror yangi ishga kirishar ekanman, ko‘p yangi narsalarni o‘rganishimga to‘g‘ri kelishini yaxshi tushunaman. Bu meni qo‘rqitmaydi, aksincha kuchimga kuch qo‘shadi. Bu yangi ibtido, yangi bosqich hissiga o‘xshaydi. Golf maydoni qurishni boshlaganimda miyamdan misli ko‘rilmagan hajmdagi yangi axborotni o‘tkazdim, ammo bundan ajoyib yangilik hissini tuydim. Golf maydonlarini qurishning turli ikir-chikirlarini o‘rganishni yoqtirardim. O‘ttiz yil avval kimdir menga shu ish bilan shug‘ullanishimni aytganida, buni hazil deb o‘ylagan bo‘lardim. Ammo bu ish menga katta lazzat bag‘ishladi.
Yangi g‘oyalar va yangi bilimlar uchun ong doim ochiq turishi juda muhim. O‘zingizni o‘ta bilimdon deb hisoblash – yangi kashfiyotlar va imkoniyatlar uchun eshikni yopish demakdir. Bu eshik har kuni biror yangilik va ilhom uchun ochiq bo‘lsin. Ba’zida yangi kun menga nimalarni olib kelarkin, deya entikib kutaman va bu kunning ajoyib boshlanishidir. Goho buning uchun biroz mashaqqat chekishga to‘g‘ri keladi va bunda kitoblar va boshqa ma’rifiy tadbirlar juda qo‘l keladi. Ular doim qo‘l ostimizda bo‘lishi kerak. Balki shunchaki omadlidirman, lekin hech qachon bo‘sh qolmayman. Fikrimcha, aynan shu muvaff aqiyatimning muhim omillaridan biri.
Goh-goh (tez-tez bo‘lsa, undan-da yaxshi) o‘zingizga savol bering: nima haqida ko‘proq bilimga ega bo‘lishim kerak? Balki dunyo tarixi haqidadir. Bugungi vaziyatda turli madaniyatlarning paydo bo‘lishi va bugungi holatini o‘rganish zarar qilmaydi. Yoki yana biror nimalarni. Har kuni xalqaro yangiliklarga ko‘proq e’tibor qaratiladigan gazetalarni va «The Financial Times»ni o‘qishga harakat qilaman. Chunki faoliyatim jahonda bo‘layotgan voqea-hodisalarni kuzatib borishni talab etadi. Birgina shu odat mendan har kuni jiddiy diqqat-e’tiborni talab etadi. Sizning holatingizda bu boshqa ish bo‘lishi mumkin.
Bugungi davrda yetarlicha axborotga ega bo‘lmaslikni oqlab bo‘lmaydi. Bilimlar avval hech qachon bugungidek ochiq bo‘lmagan va qadimgi yunonlarga qaytar ekanman, sizga Suqrot va uning eng mashhur iborasini eslatmoqchiman: «Men faqat hech narsa bilmasligimni bilaman». Hurmatli olim va faylasuvga bu so‘zlarni aytish oson bo‘lmagan, ammo ular Suqrotga yangi bilimlar uchun yo‘l ochdi. Boshqacha aytganda, har bir kuningizni yangi oq qog‘ozdan boshlang. Tafakkuringizni oching va yangi ibtidoga imkon bering.
Agar tadbirkorlikka hamma narsani bilaman, degan fikr bilan kirishganimda, ishni boshlamayoq kuyib qolgan bo‘lardim. Bunday xato qilmang. Har qanday sohaning o‘z tosh-tarozisi bor. Avvaliga juda oson ko‘ringan ishlar aslida qanchalik qiyin ekanligini bilib olasiz. Masalan, Nyu-Yorkda bino qurish hududlarga ajratish sohasini, pudratchilar bozorini, me’morlik, soliq va kasaba uyushmalari, qurilish maydoni ustidagi havo bo‘yicha qonunchilikni va yana minglab masalalarni bilishni talab etadi. Ko‘p narsalarni o‘rganishimga to‘g‘ri keldi, tabiiyki, buni o‘rnimga hech kim qilib bermasdi. Har kuni biror yangi narsani o‘rgandim, yangi bilimlarni hayotga tatbiq etdim va olg‘a intildim. Hech kim bir onda quruvchiga aylanib qolmaydi, ishonavering.
Ilmni zerikarli, ta’limni esa ortiqcha mashaqqat deb o‘ylamang. Ular haqiqatdan biroz tartibni talab qiladi, ammo siz uchun haqiqiy sarguzashtga aylanishi yoki sizni yangi yo‘llarga tayyorlashi mumkin. «Chempionlar kabi fikrla» hayot shiorimdagi (asar nomida ham) so‘zlarga e’tibor qiling. Fikrlash – bu ilk qadam. Bu qobiliyatni to‘g‘ri qo‘llash va rivojlantirish uchun bor imkoningizni ishga soling va hayotning sizga atagan sovg‘alarini kuting.
TEZ FIKRLASHNI O‘RGANING
Yetakchi mag‘lub bo‘lishi mumkin, ammo kutilmagan hujumga uchrashga haqqi yo‘q.
Napoleon Bonapart
O‘zingizga bino qo‘yish muvaff aqiyatga erishish imkoningizni qanday poymol qilishi haqida avval ham gapirgandim. Bu xuddi bir qobiqqa o‘ralib, undan chiqishni istamaslikka o‘xshaydi. Shu sabab sizga yangi bilimlar uchun doim ochiq bo‘lishni tavsiya qilaman – bu kibrning butunlay aksi bo‘lib, mulohazalilik demakdir.
Mushkul vaziyatlarda aqliy qobiliyatlarning qanday faollashishini hech sezganmisiz? Xuddi ko‘p miqdorda adrenalin chiqib, kuchga to‘lib ketgandek bo‘lasiz. Agar har yangi kunni o‘z kuchingizga nisbatan jangga chaqiruvdek qabul qilsangiz, qanchalik ko‘p narsaga ulgurish va qanchalik samarali ishlash mumkinligidan hayratga tushasiz.
«Shogird» shousining bergan eng yaxshi sabog‘i – bu tezda fikrlash zaruriyati. Nomzodlarga beriladigan vazifalar vaqt bilan chegaralangan bo‘ladi va qatnashchilarda «B» reja bo‘lishi juda muhim. Bordi-yu, «A» reja ish bermasa, ular bunga tayyor bo‘lishadi va vaqtni yo‘qotishmaydi. Ishtirokchilar bo‘lajak vaziyatni taxmin qilish, unga tayyor bo‘lish va vazifani bajarishga harakat qilishadi. Bular biznesning asosiy tarkibiy qismlaridir.
Biznesda ilk qadamlarimni tashlayotgan chog‘imda meni qiziqtirayotgan kelishuv shartlarinining eng mayda jihatlarini ham o‘rganishga ko‘p vaqtimni sarflardim va hozir ham shunday qilaman. Ko‘pincha meni tezkor harakat qiladi, deyishadi va bu rost. Ammo tezkor harakatim ortida katta tayyorgarlik yotadi va bunga, albatta, hech kim e’tibor qilmaydi. Agar insonni ish ustida ko‘rmagan bo‘lsangiz, bu ishni xonadan tashqarida yoki bo‘sh vaqtida bajarmaydi degani emas. Ishga kirishishdan avval obdan tayyorgarlik ko‘raman, vaqti kelganda hamla qilishga tayyor turaman.
Tez tafakkur qilish – mashq va tartib natijasidir. Tayyor bo‘lmay turib, oldinga yugurib bo‘lmaydi. Vazifangiz – o‘zingizni hamlaga tayyorlash. Faqat orzu-istak bilan cheklanib, uni amalga oshirish ustida ishlamas ekansiz, natijaga erishmaysiz. Buning uchun har kuni mashq qilish zarur. Boshqacha qilib aytganda, o‘z oldingizga maqsad qo‘ying va unga erishish uchun ishlang. Sportchilar o‘zlari harakat qilmasalar, hech kim ular uchun mashq qilmasligini yaxshi biladilar. Tadbirkorlar ham buni uqib olishlari lozim. O‘zingizga ishoning.
«Nega buni avvalroq o‘ylamadim?» deya hech xitob qilganmisiz? Bu gapni aqlli va noodatiy fikrning hayotga tatbiq etilganini ko‘rgan insonlardan eshitganman. Tezkor fikr yuritish yo‘llaridan biri bu o‘z-o‘ziga quyidagicha savol berish: Bu haqda avvalroq qanday o‘ylashim kerak edi? Buni hoziroq sinab ko‘ring va boshqalar sizga «Ajoyib fikr, nega avvalroq bu haqda o‘ylamadim-a?!» deyishlariga guvoh bo‘lasiz. O‘zingizga tafakkur qilish uchun imkon bersangiz, xayolingizga qanchalik ajoyib fikrlar kelishi mumkinligini bilganingizda edi, juda hayron qolardingiz. Tafakkur uchun vaqt talab etiladi. Tez fikrlash qobiliyati shu yo‘sinda rivojlanadi. Har narsaning o‘z vaqti bor: avval yuramiz, keyin yuguramiz va shundan so‘nggina oldinga chopamiz.
«Inson o‘z hayot mazmunini intiluvchanligi bilan oshirishidan-da umidbaxsh biror nimani ko‘rmadim», degan edi Toro. Bu fikr nafaqat umid, balki kuch ham baxsh etadi. Uning ma’nosi shuki, yaxshilab o‘ylab, tafakkur jarayonini amaliy ish bilan yakunlab, yaxshi natijalarga erishish mumkin. Oxiri amaldagi ish bilan tugamas ekan, quruq fikrning o‘zi hech nimaga arzimaydi. Buyuk g‘oyalaringizni amalga oshirish uchun harakat qilmas ekansiz, ular oddiy g‘oya bo‘lib qolib ketaveradi.
Tafakkuringizni sinash uchun qulay vaqtni kutmang. Uni har kuni sinang. Doim idrokingiz uyg‘oq bo‘lsin. Napoleon aytganidek: «Yetakchi mag‘lub bo‘lishi mumkin, ammo kutilmagan hujumga uchrashga haqqi yo‘q». Ayni daqiqadan o‘zingizni yetakchi deb hisoblang. Bu – o‘zingizga ishonishingizni va xoh biznesda bo‘lsin, xoh shaxsiy hayotda taqdir burilishlarining qurboni bo‘lishga tayyor emasligingizni bildiradi. Tayyorgarlik ahamiyatiga past baho berib bo‘lmaydi. Agar ushbu poygada yaxshi natijaga erishishni istasangiz, avvaldan mashq qilishga harakat qiling.
YAXLITLIKKA INTILISH
Bir on to‘xtab, hayrat va zavqdan qotib qolmaydigan kishi murda misoli: uning ko‘zlari yopiq.
Albert Eynshteyn
«Yaxlit tasvirni ko‘ra olish» iborasi sizga tanishmi? Ba’zi odamlar umumiy tasvirning ayrim qismlari yetishmayotganini sezmasliklari yoki bunga ahamiyat bermasliklari yoki o‘zlarini xuddi hammasi joyidadek tutishlari meni hayratga soladi. Bu xuddi pitsa buyurtma qilib, uni tishlangan holda olish-u, lekin butun deb hisoblashdek gap. Shunday bo‘lganida nima bo‘lgani bilan qiziqmasmidingiz?
Hech nima bilan qiziqmaydigan odamlarni uchratganman. Ba’zida o‘ylab qolaman: ular sog‘lommikinlar? Balki ular shunchaki butun pitsani (yaxlit ko‘rinishni) qo‘lga kiritishlariga ko‘zlari yetmas? Nima bo‘lgan taqdirda ham bunday yo‘l tutmaslik kerak. O‘zingizga past baho bermang. Bu biznesda ham, shaxsiy hayotda ham sizga foyda keltirmaydi.
Agar yaxlitlikka intilish raqobatbardoshlik qobiliyatingizni susaytirar ekan, demak, u ishni boshlash uchun yetarlicha rivojlanmagan. Hayotning aksar qismi tirik qolish, moslashish uchun harakat qilishdan iborat, bunga Darvin ham ishora qilgan. Albatta, tabiat tanlovi bu hali hammasi emas, ammo tarixdagi jahon evolyutsiyasining muhim omili sanaladi. Tarixda shakllanib, yo‘qlikka g‘arq bo‘lgan saltanatlar ko‘p bo‘lgan. Masalan, Rim, Usmoniylar va boshqa imperiyalar. Ular bir necha yuz yilliklar mobaynida hukm surgan qudratli davlatlar edi. Ammo ular qulab, yo‘q bo‘ldi va bugun ular haqida faqat tarixchilar eslaydilar. Qisqa qilib aytganda, hamma narsa o‘zgaradi. Biz rivojlanishdan ortda qolmasligimiz, oldinga intilishimiz zarur, aks holda dunyo tarixining bir burchida qolib ketishimiz hech gap emas.
«The Trump Organization» korporatsiyasida doimo nimadir o‘zgarib turar ekan, u menga oziqlantirish zarur bo‘lgan tirik mavjudotni eslatadi. Kompaniya yaxlit bo‘lishi, aniq va batartib ishlashi uchun uning barcha tarkibiy qismlari puxta tayyorlangan bo‘lishi kerak. Vazifam – eng yaxshi mahsulotni ishlab chiqarish uchun kompaniyaning barcha tarkibiy bo‘linmalarining uyushqoq faoliyatini har kuni nazorat qilish. Biror narsani ko‘zdan qochirishga, «pirog»ning biror mahsuloti ikkinchi navli bo‘lib qolishiga yo‘l qo‘yishga haqqim yo‘q. Va bu qoidalarga rioya qilinishiga mas’ulman, chunki bu – mening qoidalarim.
O‘zingizga xuddi korporatsiya kabi munosabatda bo‘ling. Hayotingizning har bir jabhasiga e’tibor qarating. Qanday kuchli tarafingiz bor? Qanday kamchiligingiz bor? Yaxlit ko‘rinish yanada jozibador bo‘lishi uchun nima qilish mumkin? Nima qilsangiz qiling, faqat bir joyda turmang. Kibrga berilmang, berish yoki olishingizdan qat’i nazar, o‘zingizni sizga natijaning yarmi yetarlidek tutmang. Bugun hamma narsa juda tez o‘zgarmoqda va bu tuzoqqa tushishingizga yo‘l qo‘ymang.
Dunyo qanchalik tezkor odimlashini tushungach, ikki barobar ko‘proq ishlashga qaror qildim. O‘z ishimni sevganim va doim ko‘p ishlaganim uchun, bu men uchun katta qurbonlik bo‘lmadi. Hozir har qachongidan-da baxtli va muvaff aqiyatliroqman, ammo zamon bilan hamqadam bo‘lish uchun sekinlashmayman, axir hayotimiz juda tez o‘tmoqda. Nyu-York hayoti shiddatliligi bilan mashhur. Moslashing, yoki mag‘lub bo‘lasiz. Men birinchisini tanladim. Siz ham tanlang. Men bilan musobaqalashadigan har kim tezligimga dosh berishiga to‘g‘ri keladi.
Bir kuni ishxonamga harakatchan, yuqori malakali va o‘qimishli yosh yigit keldi. Esimda, o‘shanda u jamoamdagi eng yaxshi o‘yinchilardan biri bo‘ladi, deb o‘ylagandim. Qanchalar adashgan ekanman! U tushuntirishlarga haddan ziyod vaqt sarflardi va tez orada u bilan uchrashishdan hadiksirab qoldim. Yigit juda sekin ishlar va maydakash edi, tez harakatlana olmasdi. Shu sabab professionalligiga qaramay, bizning tezligimizga moslasha olmadi. Yaxlit tasvirni ko‘rish va unga moslashishga qodir emasdi. U ishdan ketgach, yengil nafas oldim. Siz bilan ham shunday voqea ro‘y berishiga yo‘l qo‘ymang. Moslashishni o‘rganing. Doimo o‘rganishga tayyor bo‘ling.
Ko‘pchiligimiz yakuniy loyiha emas, balki kechayotgan jarayonga o‘xshaymiz. Motsart daho edi, ammo u ham qattiq mehnat qilgan. Biz doim mayda bo‘laklardan yaxlit tasvirni yaratishimiz kerak. O‘ylab qarasak, biz yaratmaymiz, balki yig‘amiz. Ammo bir butunlikni hosil qilish uchun tasvirni ijod bilan, chin dildan yig‘ish lozim. Yaxlitlikka intiling va hayotga bo‘lgan qiziqishni oshiring, shunda barcha sovrinlarni egallashga tayyorligingizni tushunasiz.
O‘ZLIGINGIZGA IMKON BERING
Yutuq yanada katta g‘alabalarga chorlovchi mas’uliyatdir.
Alber Almyu
Yutuq – eng yuqori cho‘qqi emas. Yutuq bu boshlanishi. Yutuqqa erishgan kishi yanada olg‘a intiladi. U keyingi vazifani avvaldan ko‘radi va darhol o‘z oldiga yangi marrani qo‘yadi. Bu shijoatni yaratib bo‘lmaydi, u yo bor, yo yo‘q. Harakatchan inson vazifaning yechimiga kirishadi va navbatdagi maqsad uning tafakkur obyektiga aylanadi. Uning o‘z oldidagi majburiyatlari bor – yanada yaxshilanish. Buni yuksak darajali hayot deb atayman.
Qobiliyatlaringizning eng yuqorisi, o‘zligingizning eng yaxshisi qulaylik hududiga qarshi turadi. O‘sish – hayot belgisi va o‘sish belgilari sezilarli bo‘lishi lozim. Biror shahar haqida «jonli» deyishganini eshitganmisiz? Bu uning o‘sayotgani, unda allanimalar ro‘y berayotganini, bir o‘rinda qotib qolmaganligini anglatadi. Istasangiz, o‘zingizga shahardek munosabatda bo‘ling: gullab-yashnashingiz va yuqori natijalarga erishish uchun ichki va tashqi ishlarni olib boring.
Hayotda «nozik nuqtalar» juda ko‘p. Uni san’at deydiganlar so‘zi haqiqatdan yiroq emas. O‘z ishimga san’atdek qarashimni avval ham aytgandim. Biz buyuklik va shunchaki noodatiylik o‘rtasidagi nozik chegarani his qila olamiz, ammo ba’zan bu chegarani ilg‘ab bo‘lmaydi. Leonardo da Vinchining «Mona Liza»sini nima buyuk asarga aylantirdi? Bu savolga javoblar millionta. Ammo bu hech nimani o‘zgartirmaydi, surat anglab bo‘lmas tarzda o‘ziga rom etib kelmoqda va biz boshqa darajaga, boshqa o‘lchamga ko‘tarilamiz.
O‘zligimizning eng yaxshisi bizga tasavvurimizni boyitishga yordam beradi. «Boy tasavvur» so‘zining ma’nodoshlari ko‘p, masalan, havo saroylari quruvchisi Don Kixot. Uning zamirida haddan ortiq mukammallikka intiluvchi allakim yotadi. Agarda tasavvurlar biror maqsadga ega bo‘lsa, buning yomon tomoni yo‘q. Boy tasavvurli kishilar dunyoni yangi o‘lchamlarga boshlaydi. Masalan, yuqori texnologiyalar sohasi va Bill Geytsni oling, yoki televideniye va Mark Bernett, yoki Pablo Pikasso, Igor Stravinskiy va XX asrning boshqa buyuk insonlari. Ular o‘z qarashlari ortidan intilgan kashfiyotchi bo‘ldilar va yangi kengliklarni zabt etdilar.
O‘zligimizning eng yaxshisi ko‘pincha qadam qo‘yilmagan yo‘llarga boshlaydi. Hech kim bir nuqtadan jilmay, tanish yo‘lakchasidan siljimay yurishni istamaydi. Bu – ma’nisiz va zerikarli. Ba’zan biz biror ishni faqatgina tajriba orttirish va kuch to‘plab olish uchun qilamiz, bu kattaroq maqsad uchun zarur tayyorgarlikdir. Yodda tuting, doimo biror buyuk ish ostonasida turgan bo‘lishingiz mumkin – bu ichingizdagi eng yaxshi «Siz»ga eltuvchi yo‘l va omadsizlik, bekor o‘tgan umr haqidagi fikrlardan chalg‘ishning yaxshi usuli.
Maqsad doim ham aniq bo‘lavermaydi. Ba’zan muhim allanimani, uni qabul qilishga tayyorligingizni his etasiz. Albatta, bu kursida o‘tirvolib, biror nima yuz berishini kutish kerak degani emas. Ko‘p hollarda burilishlar boshqa ish bilan bandligingizda sodir bo‘ladi. Mehnatsevarlik – yangi g‘oyalar ohanrabosi, passivlik va bekorchilik faqat noxushlik olib keladi.
Bajarish qo‘rquvi – insonning eng katta qo‘rquvlaridan biri. U ba’zan istalgan natijaga erisha olmaslik ehtimoli keltirib chiqaradigan, sababsiz yo‘qotish hissi bilan birga kechadi. Omadsizlikka uchrash ehtimoli har doim mavjud, ammo hech narsa qilmay o‘tirgandan ko‘ra biror natijaga erishishga urinib ko‘rsangiz, muvaff aqiyat ehtimoli baribir yuqori bo‘ladi. Radioda muvaff aqiyat qozonaman, deb o‘ylamagandim, ammo «Clear Channel» dasturi mashhurlikka erishdi. Bu urinib ko‘rishga arzir edi.
Agar o‘zingizga imkon bersangiz, hayot qiziqarli sarguzashtga aylanishi mumkin. Har birimiz bu dunyoga birgina bizda bo‘lgan allanimani taklif eta olamiz. Zimmamizdagi vazifa – uning nimaligini topish va ushbu loyihani amalga oshirishga o‘z quvvatimizni sarflash. Bir joyda turmang. Oldinga, maqsadga intiling.
DONOLIK
Tajriba – mehnatsiz erishish imkonsiz bo‘lgan yagona narsa.
Oskar Uayld
Yodimda bir kitobcha qolgan. U faqat bitta mavzuga: «donolik» so‘zini odamlar qanday tushunishlariga bag‘ishlangandi. Turli kasb, turli ijtimoiy qatlam, turli hayot tajribasiga ega odamlar bu borada o‘z fikrlarini bayon etishgan. Javoblar har xil, lekin bir narsa aniqki, ularning bari umumiy asosga ega: tajriba, haqqoniylik va bilim.
Bu kitobni o‘qiganimda yosh edim. To‘g‘risi, hozir uning nomini ham eslolmayman. Kimdir uni maktab kutubxonasidagi stolda qoldirib ketgan, men esa unga tasodifan duch kelgandim. Bilim kuchini anglab yetdim. Tajriba ahamiyatini tushundim, tabiiyki, hali ikkisi bilan ham maqtana olmasdim. Ammo haqiqatparvarlik hamon menga tog‘dek suyanchiq. Bu xususiyatim obro‘-e’tiborim sababidan ko‘p tilga olingan. Nazarimda, yuqori sifat bilan bog‘lanuvchi savdo belgimga bo‘lgan yondashuvimga o‘shandayoq tamal toshi qo‘yilgan.
O‘sha paytda otam Nyu-York atrofidagi qurilishlar bilan shug‘ullanuvchi kompaniyasi obro‘sini yuqori ko‘targan edi. Odamlar uning ishi ma’lum sifat darajasini taklif etishini, «Trump» nomli kompaniya bilan ishlab, tavakkal qilmayotganliklarini aniq bilishardi. Otam shu tarzda nom orttirdi. O‘z biznesimni boshlar ekanman, bankchilar ham, boshqa kasb egalari ham ishona oladigan obro‘ orttirishga qaror qildim. Rostgo‘y tadbirkorligim hech kimda ikkilanish uyg‘otmasligi kerakligini bilardim. Odamlar sizga ishonishlari mumkinligiga amin bo‘lsalargina siz bilan ishlaydilar. Bu loyihalaringiz uchun homiy qidirganingizda muhim o‘rin tutadi.
Agar hozir talaba bo‘lsangiz, kelajagingiz, yangi istiqbol yoki navbatdagi bosqich haqida o‘ylab ko‘rishning ayni payti. O‘zingiz uchun yo‘nalishlarni belgilab oling. Umuman olganda, ushbu kitobni o‘qiyotganingizning o‘zi yaxshi belgi. Demak, siz ta’lim va bilim olishga jiddiy yondashasiz. Talabaligimda bizga buni doim eslatib turishardi va ko‘proq narsa o‘rganish, bilim to‘plash uchun ko‘p mehnat qilganman.
Bizga yana shuni aytishardiki, (buni ancha keyin angladim) donolik ikki omilning o‘zaro ta’siri natijasida shakllanadi: tajriba va bilim. Bu ikkisini o‘rgatib bo‘lmaydi, ularga inson o‘z kuchi bilan erishadi.
Hozir vaziyatni tezda baholash qobiliyatim orttirgan tajribalarim natijasi o‘laroq, donolikning namoyon bo‘lishi ekanini tushunaman. Boshqacha qilib aytganda, sezgi hissingizga ishonishingiz mumkin, chunki muvaff aqiyatli «ma’lumotlar bazasi»ni yaratib bo‘lgansiz. Bu donolikni sizga berolmayman. Unga o‘zingiz erishishingiz lozim, ammo ushbu maslahatlar o‘z vaqtida menga yordam bergan va ularga e’tibor qaratgan ma’qul.
Donolik tomon yana bir yo‘l – buyuk insonlar va sizni qiziqtirgan soha yetakchilarining hayoti haqida o‘qish. Uinston Cherchill, Avraam Linkoln va jahon tarixida yetakchi rol o‘ynagan kishilar haqida o‘qib, ko‘p narsalarni o‘rgandim. Ular hayot oldilariga qo‘ygan vazifalarni bajarishga yuqori darajada tayyor bo‘lishlari kerak edi. Ularning taqdirlari ko‘pincha tasodif, tarixiy ongga bog‘liq edi, ammo ular vaziyatdan ajoyib tarzda chiqib ketish uchun yetarlicha tajriba va bilimga ega edilar. Minglab, hatto millionlab kishining hayoti sizning harakat va qarorlaringizga bog‘liq bo‘lishini faraz qilib ko‘ring va ana shu kishilar yelkasiga qanchalik katta mas’uliyat yuklanganini bir tasavvur qiling. O‘z muammolaringiz sizga kichik bo‘lib tuyuladi va bu sizga tafakkur maydoningizni kengaytirishga, majburiyatlar va professionallik nima ekanini yaxshiroq tushunishga yordam beradi.
Esimda, maktab paytlari tasavvurimdagi dunyoga ikki narsa – urush va tabiat kuchli ta’sir qilishini tushunib yetganman. Tabiat xuddi urush kabi katta qudrat. Urush siyosiy va madaniy maydonni o‘zgartirsa, tabiat geografik maydonni o‘zgartiradi. Shu sabab janglar va ularning sivilizatsiyaga ta’sirini o‘rganishga ko‘p vaqt sarfladim. Bu katta ish va men ham mutaxassis emasman, ammo bugungi vaziyatga qanday yetib kelganimizni tushunish uchun biroz vaqt sarflagan ma’qul.
Biznes va boshqaruv strategiyasi nuqtayi nazaridan juda qiziq bo‘lgan Sun Szining «Jang san’ati» kitobini tavsiya qilaman. Taxminlarga ko‘ra, eramizdan avvalgi VI asrda yozilgan bu kitob harbiy strategiyaga bag‘ishlangan. Asar ko‘p asrlar mobaynida hukmdorlarga o‘z ta’sirini o‘tkazib kelgan. Bu kitobni boshqa mashhur qo‘mondonlar kabi General Duglas Mak-Artur ham o‘qib chiqqan. Sizga bu biznes-maktab o‘qituvchisining noodatiy tavsiyasidek tuyulishi mumkin, ammo ishoning, unday emas. Bu juda qimmatli va zamonaviy asar.
Yana bir mashhur asar – Makiavellining «Hukmdor»ida urush yoki biznes haqida emas, siyosiy ziddiyatlar, yetakchining xususiyatlari to‘g‘risida so‘z boradi. Ammo hukmronlik tushunchasining ta’rifisalbiy tusga yo‘g‘rilgan. Axloq va haqiqatparvarlik maydondan chiqarilgan, shu sababli Makiavellining asari bugun salbiy tusga ega. Maslahatim: yaxshisi «Jang san’ati»ni o‘qing.
Donolikka olib boruvchi yo‘llar va kitoblar ko‘p. Ishonchim komilki, bu borada o‘z xohish va tanlovlaringiz paydo bo‘ladi, faqat birinchi qadamni bosish hamda kitob o‘qish va uning mazmunini idrok qilish uchun vaqt ajratish kifoya. Natijada siz vaqtdan ancha yutasiz. Chunki jiddiy sinovlardan g‘olib bo‘lib chiqqan kishilardan ta’lim olasiz. Yodda tuting: sizga birinchi navbatda bilim va tajriba zarur. Donolik uning shakllanishi uchun sharoit yaratganingizdagina paydo bo‘ladi. Boshidan boshlang va davomidan hayratga tushasiz. Donolik sizning shaxsiy yutug‘ingizga aylanadi.
QANCHA KO‘P BILSANG, BILIMLARING KAMLIGINI SHUNCHA YAXSHI TUSHUNASAN
Bugungi kuningni tushunishni istasang, kechagi kundan boshla.
Perl Bak
Bir do‘stim tarixni o‘rganardi. U Ikkinchi jahon urushi voqealarini o‘rganishga ko‘p vaqt sarfladi. Unga endi bu borada katta mutaxassisga aylangani haqida gapirganimda, do‘stim shunday javob berdi: «O‘rganishda faqat ko‘p narsani bilmasligimni tushundim. Ikkinchi jahon urushi mazmunini tushunish uchun Birinchi jahon urushi voqealariga qaytish kerak. Shu sabab Birinchi jahon urushini o‘rganishga kirishdim va ishonchim komilki, uning sabablarini bilish uchun yanada chuqurroq kirishga to‘g‘ri keladi. Shu tarzda cheksiz davom etadi». Do‘stim haqiqiy olim bo‘lib chiqdi. Uning aytishicha, tarixni o‘rganishga qanchalik jon jahdi bilan mehnat qilmasin, hech qachon hamma narsani bila olmasligini tushunishga yordam berdi.
Do‘stimning qanchalik ko‘p narsani bilmasligi va har yangi ma’lumot yana boshqasini qidirishga undayotganligi haqidagi so‘zlari bir umrga yodimda qoldi. U hurmatga sazovor tarixchiga aylandi, ammo sizni ishontirib aytishim mumkinki, erishgan yutuqlarida to‘xtab qolgani yo‘q. Olimlik mehnati unga o‘rgatgan sabr hamon yosh bo‘lib qolishga, o‘zgalar ko‘zida qanchalik dono bo‘lmasin, yana yangi bilimlarni egallashga undamoqda. U abadiy tolibi ilmning ajoyib namunasi: unda har kuni yangi narsani o‘rganish imkoni paydo bo‘ladi.
Ba’zan biz muvaff aqiyatga erishishga shunchalik intilamizki, eng muhim narsalarni yoddan chiqaramiz. Faqat moddiy emas, balki ma’naviy qiymatlar ham muvaff aqiyatning asosi bo‘lishi lozim. Biz o‘z mamlakatimiz va boshqa davlatlar tarixi va madaniyatini bilishimiz, hech qachon «madaniy vakuum»da yashamasligimiz kerak.
Bir kishi «Tarixni bilmaslik xuddi daraxtdagi barg bo‘la turib, daraxtning bir qismi ekaningni anglamaslik» degan edi. Qiziq o‘xshatish, afsuski, ko‘pchilikka taalluqli. Biz ta’limimiz uchun o‘zimiz javobgarmiz, va bu faqatgina talabalarga taalluqli emas.
Sizningcha, men bu masalada o‘ta keskinmanmi? Siz haqsiz. Savodsizlikka bor-yo‘g‘i fe’l-atvorning bir xususiyati sifatida qarashlarida biror ma’ni ko‘rmayman. Har bir kunni shunday savol bilan boshlashimiz kerak: bugun qanday yangi narsani o‘rganish mumkin? Bu ongingizni yangi ma’lumotlar uchun ochib, aqliy kapitalingizni shakllantirishga yordam beradi. Bugun axborot barcha uchun erkin bo‘lgan bir sharoitda hayotingizni bilimlar yo‘qligi yoki kamligi bilan cheklashdan ma’ni ne?
Tarixni o‘rganish qiziq, sababi shunda biz ham tarixning bir bo‘lagi ekanimizni tushunib yetamiz. Tarix faqat o‘tmish emas, shu zamon va makonda sodir bo‘layotgan barcha hodisalardir. Agar hammasi qanday boshlanganini bilmasak, nimalar bo‘layotganini qanday tushunamiz? Dunyo siz tug‘ilgan kunda boshlanmagan va siz bilan birga o‘lmaydi. Ammo bu siz uning bir bo‘lagi emassiz degani emas.
Keling, daraxt bargi tashbehiga qaytamiz. Masalan, siz barg ekaningizni aniq bilasiz, ammo qaysi daraxtda ekaningizni bilolmaysiz. Men sizga aytsam bu qanday daraxtligini bilib olsangiz, yomon bo‘lmasdi. Bu qiyin emas. Xuddi «Shogird» shousida ishtirokchilar vazifaga kirishishdan avval kerakli ma’lumotlarni qidirishlariga o‘xshaydi.
Bir kuni yevropaliklar amerikaliklar o‘z ildizlarini bilmasliklari haqida gapirishdi. Shubhasiz, yevropaliklarning ildizi chuqur tarixga borib taqaladi va ularni aniqlash ancha oson, bizning ajdodlarimiz esa turli mamlakatlardan kelib chiqqan. Bu so‘zlar meni o‘ylantirib qo‘ydi va ular ko‘p borada haqliklarini tushundim. Onamning ajdodlari kelib chiqishi Shotlandiyaga borib taqaladi. Shu sababdan yaqinda u yerda bo‘ldim, u qoldirgan madaniy merosni o‘rgandim. Golfga bo‘lgan muhabbatim ham shundan bo‘lsa kerak – uni shotlandlar o‘ylab topishgan.
Menga bu mamlakat haqida yangi narsalarni bilish yoqishini angladim: bilimlar dunyoqarashim va ishbilarmonlik bilan bog‘liq qiziqishlarimni oshiradi. Shotlandiyaning Aberdinesida ajoyib golf maydoni quryapman. Mamlakatga borishdan va undagi odamlar va madaniyat bilan tanishishdan katta taassurot oldim. Albatta, men bilmagan narsalar hali ko‘p va bu, shubhasiz, o‘z ortidan qiziqarli voqealar va kelishuvlarga olib keladi.
Maslahatimni qulog‘ingizga iling, o‘ta bilag‘on bo‘lmang. Birinchidan, hamma narsani bilishning imkoni yo‘q. Ikkinchidan, qizig‘i yo‘q – sizga ham, boshqalarga ham. O‘z kengliklaringiz va ular bilan birga o‘z kapitalingizni cheklamagan holda, keng fikrlash zarurligini unutmang. Aynan shu katta muvaff aqiyatdir.
CHEMPIONLAR KABI FIKRLA
Inson o‘zi uchun tanlashi mumkin bo‘lgan eng yaxshi yo‘l – o‘zi qodir bo‘lgan eng yuqori natijaga erishishdir.
Aristotel
G‘olib bo‘lib tug‘ilish ham, g‘olibga aylanish ham mumkin. Ta’riflardan biriga ko‘ra, g‘olib bu aniq ustunlikni namoyish qilayotgan kishidir. Boshqa ta’rifga ko‘ra, g‘olib bu musobaqada birinchi o‘rin olgan yoki asosiy mukofotni qo‘lga kiritgan kishi. Barchamiz olimpiya chempionlari to‘g‘risida eshitganmiz va ehtimol, televizorda ko‘rganmiz. Bu odamlarning aql bovar qilmas yutuqlariga baho berayotganimizda xayolimizga birinchi keladigani sanoqsiz mashqlar, qurbonlar va yutuqqa erishish uchun ular ko‘rsatgan jasorat keladi. Bu chempionlarga xos bo‘lgan xususiyatlarning bir nechtasi, xolos.
Bundan tashqari ular aql bovar qilmas natijalarga erishishni istashgan. G‘oliblar kabi fikrlaydigan kishiga «hamma kabi» bo‘lish to‘g‘ri kelmaydi. Chempionlar keng ko‘lamli fikrlaydilar. Keng ko‘lamli ishlaydilar.
Ular qat’iyatli va tartibli. Bu haqda o‘ylab ko‘ring: g‘oliblar chempionlar kabi fikrlaydi. Jek Jempsi[4 - Jek Jempsi – amerikalik bokschi, o‘ta og‘ir vazndagi jahon chempioni] aytganidek: «Chempion bu kuchi qolmaganda ham o‘rnidan turadigan insondir». Umid qilamizki, bu gap sizga ham taalluqli.
Ba’zan kunim juda og‘ir o‘tganida hayotim poygaga o‘xshashini va uning oxirigacha yetib olishga kuchim yetsa edi, deya o‘ylab qolaman. Bardoshni mashq qildirish mumkin, chunki mag‘lub sifatida qolib ketishni istamayman. Mashhur tennischi Billi Jin King shunday degandi: «G‘oliblar zimmalariga mas’uliyat oladilar. To‘p to‘r oralab men tomonga uchganida, ishonchingiz komil bo‘lsin: uni urishni istayman». Tennischi nima deyotganini tushunaman, chunki o‘zim ham shunday o‘ylayman.
Har yili «U.S. Open» o‘yiniga lojaga chipta olaman. Menga chempionlar g‘alaba tomon olg‘a intilishlarini tomosha qilish yoqadi. Har qanday sohada – sport, san’at va boshqalarda o‘z ishining ustalarini kuzata turib, ko‘p narsani o‘rganish mumkin. Bu odamlarning barini yakdil fikrlash tarzi birlashtirib turadi: ular g‘oliblikka erishishni istashadi va eng yaxshi bo‘lishga intilishadi. Ikkinchi va uchinchi ham emas – faqat birinchi. Bu o‘ylab ko‘rishga arziydi. O‘ta iqtidorli kishilar mag‘lubiyatga uchrashganini ko‘rganman, fikrimcha, qalbining tubida ular g‘alabadan cho‘chishgan. G‘alaba mas’uliyatni talab etadi va chempionlar bu borada o‘sib boradilar. Qalbingizni taftish qiling va mas’uliyatni zimmangizga olish uchun tayyor va qodir ekaningizga ishonch hosil qiling. Agar qo‘lingizdan kelmasa, o‘z ustingizda ishlang. Mas’uliyatli bo‘la olish muvaff aqiyatning muhim qismidir.
Ko‘pchiligingiz golf o‘ynashimni bilasiz. Doim golf intellektual o‘yin ekanini aytaman va bu rost. U jiddiy texnik ta’minotni va ma’lum bir mahoratni talab etadi. Golfni befarqlik bilan o‘ynab, yaxshi natijani kutib bo‘lmaydi. Diqqat va sabr bilan o‘ynash kerak. Afsonaviy golf o‘yinchisi Bobbi Jons shunday degandi: «Golfda bir urishda faqat bitta zarba berish mumkinligi yangilik va hayron qolarli narsa emas, ammo buni tushunish uchun menga ko‘p yillar kerak bo‘ldi». Odatiy hayotda har kuni mashaqqat bilan ishlaganimiz, har soniya ishga chempionlik bilan yondashganimiz sababli g‘alabalarga erishamiz.
Keling, Aristotelning ushbu bobga epigraf sifatida tanlangan iborasiga to‘xtalib o‘taylik. Bu o‘z-o‘zini yuqori darajada tahlil qilishdir. Darhaqiqat, qodir bo‘lganingiz qadar yuqori natijaga intilish inson uchun eng yaxshi yo‘l. Oldimizga kichik maqsadlar qo‘yishdan ne naf? Biror marta yosh boladan katta bo‘lganida hech kim bo‘lishni istamasligi haqida eshitganmisiz? Yo‘q, go‘dak qalbi orzu va maqsadlarga to‘la, kamdan kam hollarda oddiygina istaklar bilan cheklanadi. Bolalar prezident, kosmonavt, olim va shifokor bo‘lishni orzu qilishadi. Ular to‘g‘ri fikrlaydilar. Xayolan o‘z oldingizga katta maqsadlar qo‘ygan paytlaringizga qaytishga urinib ko‘ring. Har kim ham jahon chempioni bo‘la olmas, ammo har kim o‘zi qodir bo‘lgan eng yuqori natijaga intila oladi. Bu ilk qadam va har kunlik majburiyatdir.
Chempionlar har ishni o‘z kuchlaridanda ziyoda qilib bajaradilar. Hammamiz qachon yetarlicha ish qilganimizni-yu, qachon bor kuchimizni bag‘ishlaganimizni yaxshi bilamiz. Har kuni bor kuchingiz bilan ishlashga harakat qiling. O‘zingizga boshlash imkonini bermaganingiz sabab mag‘lub bo‘lmang. Mas’uliyat darajasi o‘ta kattadek tuyulgani uchungina muvaff aqiyatdan cho‘chimang. Diqqatni bir joyga jamlang va olg‘a! Oqilona harakat olib keladigan natijalardan hayron qolasiz. Aleksandr Grem Bellning[5 - Aleksandr Grem Bell – amerikalik va kanadalik olim, «American Telephone and Telegraph Company» kompaniyasi asoschisi, AQSh telekommunikatsiya sohasining rivojini belgilab bergan inson.] bir iborasini hech qachon unutmayman: «Hozir qilayotgan ishingizga butun diqqatingizni qarating. Quyosh o‘z nurlarini linzaning markazida yig‘mas ekan, hech nimani yondira olmaydi». Shuni yodda tuting, chempionlar kabi fikrlashni o‘rganing va chempionga aylaning.
O‘Z ISHIMGA SAN’AT KABI YONDASHAMAN
San’at – bu yolg‘on, ammo bu yolg‘on bizni haqiqatga yetishishga o‘rgatadi.
Pikasso
Pikasso nafaqat buyuk rassom, balki yaxshigina tadbirkor ham bo‘lgan. U o‘z ishining qadrini bilgan va hech qachon bahonalar to‘qimagan. O‘zining hikoya qilishicha, kunlardan birida uning ustaxonasiga bir kishi kelib, suratlaridan birini tomosha qildi va so‘radi: «Bu surat qanday ma’noni anglatadi?». «Ikki yuz ming dollar», – javob berdi rassom. Bu mubolag‘asiz javob. Aniqki, Pikasso o‘z san’atini biznes sifatida ko‘rgan va bu asossiz emas. O‘z biznesimga san’at sifatida qarayman. O‘z ishingizga shunday yondashing.
Mana nima uchun san’at kishilari o‘z ideallariga, ilhom parisiga va detallaridagi mukammallikka sodiqligi bilan mashhur. Bu ajoyib fazilat. U kerakli natijaga erishish uchun yaxshi turtki bo‘la oladi. Yaqinda kutubxonalardan birida Betxovenning qo‘lyozmasi topildi. Unda shunchalik ko‘p chizgilar va tuzatishlar bor ediki, qog‘ozning ba’zi yerlari teshilay degandi. Bu ish kompozitor hayotining so‘nggi yillariga to‘g‘ri keladi. Demakki, bu paytda u musiqa yozishda tajribasiz emas edi. Bu buyuk inson – faqat eng yaxshi ishni yaratishga intilgan perfeksionistning ishlashi edi. Unga hech kimning tasdig‘i kerak emas – faqat o‘ziniki yetarli edi. Bu biznesmen uchun ham, musiqachi uchun ham ishga yondashishning ajoyib usuli.
Eng yaxshi natijaga erishish uchun o‘zingizdan ham o‘zishga harakat qiling.
Tadbirkorlarning fikrlash tarzi shunday: raqobat ularning darajalarini pasaytirishi mumkinligini biladilar. Qanchalik yoqimsiz bo‘lmasin, bu – haqiqat. Qarashlaringizda sobit bo‘ling. Pikasso, shubhasiz, har narsada o‘z qarashiga ega edi. O‘ziga xos shaxs bo‘lishdan cho‘chimang.
Keling, Pikassoning san’at yolg‘onligi haqidagi so‘zlariga qaytamiz. Bir tomondan qaraganda, san’at ko‘pincha murakkabni soddalashtiradi. Polotnoga rang berish qiyinmi? O‘ylab qarasak, unchalik ham qiyin emasdek. Ammo bundan nima paydo bo‘ladi? Matoga bo‘yoqni alohida usulda surish ancha mushkul, ayniqsa, natijasi qanday chiqishi kerakligini bilsang. Birinchi kitobim «Kelishuvlarga erishish san’ati»ni aynan shu sababdan shunday ataganman. Biznesga aloqasi bo‘lgan har kim muzokaralar o‘tkazish va kelishuvni imzolash katta tayyorgarlik talab etishini biladi, bu tayyorgarlikni qanday bajarishimni hech kim ko‘rmaydi, ammo buni qilmayman degani emas. Mehmonlar «Trump Tower»dagi sof marmarga qaraganlarida hashamatdan ko‘zlari qamashadi, ammo odatda bu yuksaklikka shaxsan mening qancha mehnatim ketganini bilishmaydi ham. Go‘zallik yoki san’at talab etadigan ter, qon va ko‘zyoshlar hech kimni qiziqtirmaydi. Faqat natijagina muhim.
San’at reprezentativdir. Boshqacha qilib aytganda, bu hayotning o‘zi emas, in’ikosidir. San’at turmush tashvishlari bizdan to‘sib qo‘ygan haqiqatni ko‘rsatishi mumkin. U bizga o‘z aksimizni ko‘rsatadi. Kelishuvlarim – tadbirkor sifatidagi topqirligimning aksidir. Rassom kabi serqirra, keng ko‘lamli yondashuvga intilaman. Ushbu yondashuvni o‘zingizga qurol qilib oling va tez-tez foydalaning. Nima bilan shug‘ullanishingizdan qat’i nazar bu sizga ko‘p narsalarni o‘rgatadi.
Quruvchining ishi – bir paytda ham hunar, ham san’atdir, bundan kamiga rozi emasman. «Trump Tower»ni qurishda kamyob marmar turidan foydalanishga majbur emasdim, ammo sifatdagi farq yaqqol bilinishini tushunardim. Shu sababdan o‘z ishimni san’at deb bilaman, deganimda ishonchingiz komil bo‘lsin. Rassom bo‘yoqlar va umumiy tasvir borasida qanchalik injiq bo‘lsa, men ham shundayman. Agar siz ham shunday yo‘l tutsangiz, o‘ylaymanki, yangi darajangiz o‘zingizni ham hayratga soladi.
O‘zingizga yuksak baho bering. Hayot – bu san’at, tadbirkorlik ham. Shunday ekan, bir rassom kabi nimalarga qodir ekaningizni ko‘rsating.
TIZIMLI FIKRLASHNI O‘RGANING
Men bugun kechagidan ko‘ra aqlliroq bo‘lmagan kishi haqida yaxshi fikrda bo‘la olmayman.
Avraam Linkoln
Tajriba faqat o‘rganishni istaganlarni o‘qitadi.
Oldos Xaksli
Har tomonlama ta’lim qaysidir ma’noda muvaff aqiyat nuqtayi nazaridan muhim bo‘lgan masalalarda bilim ortiqchaligi va taqchilligi o‘rtasidagi chegarani yo‘qotadi. Yaqinda bunga ishonch hosil qildim: o‘z kasbi bo‘yicha keng bilimga ega bo‘lgan va suhbatda ko‘tarilgan boshqa mavzular haqida deyarli hech narsa deya olmaydigan yigit bilan suhbatlashdim. Uning idroki tunnelli tizim kabi tasavvur uyg‘otardi, garchi professionallik darajasi meni qontiqtirgan bo‘lsa-da, korxonalarim ish hajmini hisobga olgan holda u lavozimga yaxshi nomzod emas deb hisobladim. Chunki uning qiziqishlari juda tor edi. Bu voqea menga navbatdagi bob uchun mavzu topib berdi. O‘ylaymanki, har biringiz bu haqda o‘ylab ko‘rishingiz kerak, sababi o‘qiyapsiz va tez orada o‘z professional yo‘lingizni boshlaysiz yoki ish faoliyatingizni boshlab bo‘lgansiz.
Конец ознакомительного фрагмента.
Текст предоставлен ООО «Литрес».
Прочитайте эту книгу целиком, купив полную легальную версию (https://www.litres.ru/book/donald-tramp/biznes-va-hayotda-norasmiy-ta-lim-68991175/chitat-onlayn/?lfrom=390579938) на Литрес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.
notes
1
Magnat – davlat boshqaruvida iqtisodiy ta’sir kuchiga ega badavlat tadbirkor.
2
Do‘konlar peshtaxtalarining pastki qatorlariga talabgir bo‘lmagan mahsulotlar joylashtiriladi.
3
Rosh Xa-Shana – yahudiylarning yangi yil bayrami.
4
Jek Jempsi – amerikalik bokschi, o‘ta og‘ir vazndagi jahon chempioni
5
Aleksandr Grem Bell – amerikalik va kanadalik olim, «American Telephone and Telegraph Company» kompaniyasi asoschisi, AQSh telekommunikatsiya sohasining rivojini belgilab bergan inson.
Дональд Джон Трамп
Тип: электронная книга
Жанр: Просто о бизнесе
Язык: на узбекском языке
Издательство: BOOKTOPIA
Дата публикации: 25.04.2024
Отзывы: Пока нет Добавить отзыв
О книге: O‘zingiz va ishingizga sodiq bo‘lish katta qadriyatdir. Unutmang: qadriyatlarni himoya qilish zarur. O‘z fi krlaringizda qattiq turish oson, deb sizga hech kim, hech qachon aytmaydi, lekin ishonchim komilki, bu zarur. Qolgan narsalarga kelsak, nima qilayotgani ngiz va kim uchun qilayotganingizni qat’iy aniqlab oling. Shunda ertami, kechmi har turli ma’nodagi boylikka eri shasiz.